Anno d(o)m(ini) mº cccº lxix /

Clawes holtwart quam in geheget ding vnde begauede / marquarde holtwarde sime bruͦdere . den hof dy hern Gh(er)/hardes von deme styge was . twuͦ marc geldes an deme ey/gen dat . schotholtes erue is . den hof den ome Heydenrik / ketheler begauet hadde vn(de) dy eigen dy Hans schepma(n)s / vn(de) hans kokes erue sin . dat eygen dat hanneyes erue / was vn(de) dat eygen dat der walterinne erue was vnde / dat eygen dat merten beckeres erue is mit alle(n) deme / rechte alse ome dat ¹ dy vorbeschreuene eigen begauet / waren ane allerleyge vnderschiet /

Buͦle koningeswik quam in geheget ding vn(de) be/gauede Herwiche sinen hof in boydewines strate / den ome pet(er) sangerhusen geuen hadde mit al deme / rechte alse hie sin was /

Clawes vn(de) koppe fritzen fleminges sone quamen / in gehegit ding vn(de) begaueden Thylen worme dat / eygen in merkelins strate dat di alder lude vo(n) vn/ser vrowen on begauet hadden mit al deme rechte / alset ore was /

vrundehelm schiele quam in geheget ding vn(de) begauede / Clawese statiusse sinen hof an deme steyndore mit / al deme rechte alse hie sin was /

Hans² Lange is gekomen in geheget ding vnd gaft / Clawes Erike dat Eẏghen dat asschersleuen was in Boẏ=/dewynes strate mit allem rechte alz it sẏn was /