Ruͦdeger swarte quam in geheget ding vn(de) begauede / Hanse von Ryde dat eygen bynnen an deme steyndore / mit alle(m) deme rechte alset sin was vn(de) ome geue(n) was /

Hinrik statius quam in geheget ding . vn(de) begauede Thilen steynbitzen dryͤ schillinge croschen vn(de) druͦ scherf / di hie hadde an Thilen erue in der sinerstrate /

Lodewich stuͦr quam in geheget ding vn(de) begauede Ja/ne schencken sinen hof hinder deme Rathuse mit / alle(m) deme rechte als hie sin was /

Hans Naseborn quam in geheget ding vn(de) begauede / Hermanne Treysen sin eygen dat vore Herma(n) treysen / erue was mit alle deme rechte alset sin was /

Hans seuere quam in geheget ding vn(de) begauede / Oltzen Reynkinersleuen dat hus dat die swarte / hetke het mit alle deme rechte alset sin was tuͦ deme / bornenwente an dat dor vn(de) schal dar von gheuen / alle iar ein half smal schok grossen tuͦ deme luͦchte / tuͦ deme Nygenwerke /

Jan vnd Kristolf sasse vnd Juͦtte . hans statius / kindere quamen in geheget ding vnd bega/ueden Hanse potze den hof dy ores vader was / mit alle deme rechte als hie ore was . sunder / die anderhaluen mark geldes die frederik / kreuere gift tuͦ thinse /

grete gheritzes wedewe is gekome(n) vor geheget ding / vn(de) het gegeue(n) mit erue loue wille(n) meister johan(n)es / kolowe(n) der staet scriuere tu halle dat ege(n) vp deme / santberghe hinder sente jacobe twischen her joh(ann)es / beckere vn(de) hintze(n) almare mit alleme rechte /