parhoffe zcv vnser leyven fr[u]we(n) vnde s(e)nt(e) gheerdrude geleyt is / ¹

Ghese Hans beygeres husvrowe quam in geheget ding / vnde begauede . vns(en) vruͦwen . dat eygen dat herwiches erue / was . dat nuͦ tuͦ den parhouen . tuͦ vnser vruͦwen vn(de) tuͦ sen/te Gherdrude geleyt is mit alle deme rechte alset or was /

Thobyas quam in geheget ding . vnde beschuͦldigede hanse / Naschorue . vmme benuͦmede schuͦlde . do wart ome ge/vuͦnden . dat dy schultete ome bieden scolde ome ² dat gelt / tuͦ betalende by vierteynachten . dat wart ome gebode(n) / Nuͦ is hie wech gethogen . do wart Thobyasse gevuͦnden / dat hie siek des irholen scolde an sime eygen vnd(e) scolde / dat an grypen als eyn recht is /

Na Goddes gebort . dusent Jar Druͦhundert iar in / deme . druͦvndesouentigesten jare . quam Hans Nase/horn in geheget ding . vnd(e) begauede freder(ik) von scho/nenberch sinen hof ieghen hern kvnen Guz(e)ken vor / vif pannen in deme Dutzschen bornen . die nuͦ tuͦ wynach/ten angripen schal . wier dat hie ome die vif panne(n) nicht / hielde . so schal hie also vele pen(n)i(n)ge an deme houe hebben . / also dat Jar von vif panne(n) lopen mochte . vn(de) wenne fred(erik) / dy vif pannen halden werden so schal dy hof wedder sin / ledich vnde los

Pieder . Clawes sletowen sone quam in geheget dingh / mit eruegeloue . vnde begauede Conrade von holthusen / sin eygen mit alle deme rechte alset sin was /

Pruͦtze is kome(n) vor geheget dingh vnde het geclaget / von siner wegene vnd(e) von siner kvmpane wegene / mit alle deme rechte . vp dit ³ Gherhardes Ghyseken / Gherhardes ghyseke(n) sone . vm(m)e eyn brietschok / g(ro)s(schen) vnd(e) xxiiij . g(ro)ss(chen) vnd(e) het dat irclaget als / werne . dat is gedan in den medeban /

Hinr(ik) Tvnnendryuere . quam in geheget ding . vnd(e) / beschuͦldigede . Hans merkline vm(m)e besch ⁴ benuͦmede / schuͦlde . ij schok g(ro)ss(chen) vn(de) vj g(rosschen) . briedes geldes . do [...] / wart ome vuͦnden . hie hedde sin gelt ir sten mit / rechte . vnd(e) dy schultete schal ome dat bieden tuͦ / gheuene by vierteynachten /