Anno d(o)m(ini) mº . cccº . lxxvjº . /

Elizabeth hans weddersates husvrowe quam / in geheget ding . vnd weddersprak dy gaue / dy herman furstenherre ore vader gheuen / hadde orer Stiepmuͦder alset recht was /

frederik von Thynowe quam in geheget ding / vnd schuldegede Jane von Thynowe . vmme vofte/haluen vierding briedes geldes / ¹

frederik van Thynowe quam in geheget ding / vnd clagede tuͦ janes Erue van Thynowe vm(m)e / voͤftehalue(n) vierding . briedes geldes twey ding / tuͦ deme dredden dinge wart ome sin gelt tuͦ ge/dielet . vppe ienes wedder rede . tuͦ deme vierden / dinge brachte neymant nicheyne wedder rede / do wart freder(ik) von Thynowe gevuͦnden hyͤ hedde / sin gelt irsten mit rechte . /

Hans Pytit . Pytit sin buͦder . vnd Heydenrik / berlin . quamen in geheget ding . vnd bega/ueder ² her Heydeke(n) hedersleue(n) . viere mark gel/des vnd achte gross(chen) . an des ghift kvnne hokyn/ne . vnd dat hus by oͤr twey schok vnd achte g(ro)s(schen) / kolue(n) hus in der galchstrate . eyn schok vn(de) Jene/ke widderstorp . eyn schok /

Hans Berlin ³ quam in geheget ding . vnd begaue/de hern Heydek . hedersleue(n) . twuͦ mark geldes / der ghift . hans Presslowe soͤven mandel vnd / eyne(n) gross(chen) vnd ses kappvne vnd Pappendorp / ses gross(chen) vnd viere kappvne . /