Anno d(o)m(ini) mº cccº lxxvij

Heydenrik Berlin ¹ . vnd sine bruͦdere , quamen in / geheget ding . vnd begaueden Hanse Pegowen / oͤre eigen an deme Rodewelschen dore mit alle / deme rechte alset ore was /

Hans von Pegowe quam in geheget ding . vnd(e) / begaueden yͤlsen syner husvrowen kinder diel / an deme seluen eygen . wier auer dat hie ane / kindere afghinge , so schal sie hebb(e)n die helfte / an deme selue(n) eigen . /

Ghese frederikes husvrowe von Thynowe quam / in geheget ding . vnd begauede freder(ik) von / Thynowe . orme werde . dat eygen dat syͤ an vo(n) orme vade(re) ² an / irstorven was in sente Olrikes strate mit / alle deme rechte alset ore was /

Jan koͤni(n)g quam in geheget ding . vnd begauede / sannen siner Eliken husvruͦwen alle dat hie / nuͦ het vnd vmmer mer gewynt /

Sanne Jan koͤni(n)ges husvruͦwe quam in geheget / ding . vnd begauede Jane koͤni(n)ge oͤrme werde alle / dat sie nuͦ het . vnd vmmer mer gewynt /

Hinrik von kotzen quam vor gehegede bank / vnd vragede in eyme ordele sint dem male dat / hie irclaget hedde . vp dat eygen vp deme ber/line des ome her Sander berlin bekant hadde / siner vrowen des hie siek thoge an der schepen / buͦk , do vragede hie wes man der vruͦwen / helpen scolde . do wart oͤr gevuͦnden man wal/dige sie des eygens bilken , /