Ik wolter van osb(er)nshusen Hennigh Boldewin vn(de) Hinrik mine soͤne be kenne(n) openbare i(n) dissemen breue / dat we mit endrachtegheme will(e)n hebb(e)n ghelaten . hennighe vn(de) wernere vsen vedde(re)n van osb(er)nshusen / alle dat we hadden an den pennighen de us Cord van der Mezene sculdich was vn(de) dre schillinghe / gheldes de we hadden an des buͦschers hoͦue vor achteghehalue mark vn(de) willet ene des rechte / were wesen vn(de) des tho ener bekantnisse so hebbe dessen bref mit usen Jngheseghelen witleken / be segheld laten Na Goddis bort Dritteynhundert iar i(n)deme Achte vn(de) Seuentighesten iare / i(n) nighen iares daghe /