Na Goddes gebort . Dusent iar .. druͦhundert iar / in deme . achtentigesten . iare quam Meus kremere / in geheget ding vnd gaf syn Eygen . deme Nygen Spiet/tale byͤ Sente Nicolawes dore mit alleme rechte . also / dat hie . vnd Hanne syne Elike husvrowe , dat behalden / willen tuͦ orer beyder lyue , vnd ghet orer eyn af so schal / die andere dat eigen behalden . die wile dat hie leuet / vnd na orer beyder dode . so schal dat Eygen des nyge(n) / spiettales ledig vryͤ eigen syn /

Olrik brosche quam in geheget ding . vnd begauede / Elsebethen syner husvruͦwen alle dat hie nuͦ het vnd / vmmer mer gewynnet . /

Hinr(ik) buͦvenleuent hadde besat vnder hintzen von / der weydest heuestrides Erue . dat bot hie up druͦ / ding . tuͦ deme vierden dinge is oͤme gevuͦnden dat / man oͤn des eygens ¹ erues² schal gewaldigen /

Hans wyman is komen in gehegede bank mit erue/loue . kvnnen . syner suster vnd gift kvnen Conren / syn Eygen dat dar lyt an deme steynwege dar die / hering veyle is dar hie soͤuen mark geldes ane het / mit alleme rechte . des schal kuͦne Conre hans wy/mannes keves dochter vnd oͤrer muͦder eyne / mark geldes volgen laten tuͦ oͤrer beyder lyue / die wile dat sie leuen . /

Hans ³ stoz vnd mechtild min Eliche wertin wyͤ be/gaben vns vnder eyn ander mit deme daz vns got / vorlegen hat deme sie mit uwere(n) wizzen ge geben / alle daz da blibet . des en sal oͤn neymant ane vor/dere(n) noch tedingen iz queme denne ap daz ander / ouch vorscheyde . sosolden vnsen Herre(n) daz guͦt gliche / lazzen teylen myme neysten vnd oͤrme neysten /

Berchte bornemeysteres hadde gheue(n) eyne / gaue kvͦne(n) koke vnd zeygen oͤrer maget / die syn nuͦ kome(n) in geheget ding vnd hebbe(n) / die gauen vyͤ geboden druͦ ding tuͦ deme / vierden dinge is oͤn gevuͦnden . dat die / gaue neymant mach wedderspreke(n) mit / rechte /