Wie .. ratma(n)ne(n) Jnni(n)genmeẏster(e) vnde Buͦrger(e) gemeẏne tuͦ Halle bekennen / openliken in dissem breue Dat dyͤ erbern lude Albrecht van Lobesitz vnd / Hans van Dorstat vnd sẏne Broͤder(e) ruͦdolf Hans Rudolf vnd Henrik / sẏk mẏd vns v(m)me dhe schelinge vnd schuͦlde dy wie wedir syͤ hadden / gentzliken geenet hebben aller dẏnge vnd ghesoͤnet nach lude oͤrer brie=/ue dyͤ syͤ vns dar ouer gegeuen hebben [...] weret dat syͤ na dissem [.../...]ge van yͤmande vor vns verklaget oder besecht woͤrden so scoͤlde / wie eͤn nyͤnerleẏe arch tuͦ keren eer wie eͤr antwerde gehort hed=/den dar tuͦ [...] syͤ vorboden scolen wes syͤ de(n)ne bekennen darv(m)me / scoͤlen syͤ tuͦ vnsen gnaden komen wes syͤ ouk nẏcht bekennen dar=/tuͦ scoͤlen syͤ duͤn wat recht is vnd dat scoͤle wie van eͤn nemen / Vnd dar ouer scoͤle wie eͤn nẏcht arges tuͦ keren wie enlaten syͤ dat / alzo tẏdliken vore weten dat syͤ syͤk dar na gerichten moͧghen Tuͦ / eẏnem wetliken orkuͤnde alle disser vor geschreuen rede hebbe wie / vnser stat Jngesegel an dissen brieff gehenget laten Gegeuen / na goddes gebort Dusent iar dryͤ hundert iar in deme eẏnvndachtigesten jar an dem auende vnser fruwen Liechtmissen