Nach goddes gebort , ouer dusent , iar vn(de) / dryhundert iar In deme ses vn(de) achtigeste(n) / iare ynder vasten By byschop albrechtes / tyden geboren von der herschop tu quer/uerde Ertzebischop tu meydeborch . vn(de) by / des borchgreuen tyden hertogen . wenslaus / von sassen . by hans bischopwerden tyden / des saltgreuen tu halle worden tu rade die / erbaren herren die bornemeistere vn(de) schepe(n) / von deme dale der name(n) hyr gescreuen sten . her koͤppe piszker / ritter bornemeister 1 ouer der metritze . heyso pawel bornemeister / ouer de(n) dutschen borne . werner vo(n)deme stene bornemeister / ouer dat gutiar .Ouk do seluens waren an deme schepen am/mechte von deme dale by namen herman lange ,, dytze gutzke / hans wultroch hans kremetz , hinric stenbitze ,, sander korf / hans marolf hinric kruͦpup , hans baldewyn ,, Disse vorge/nante(n) bornemeistere vn(de) schepen myt eynander hebben ir/dacht vn(de) maken laten dyt buk tu eynem gemeyne(n) vrome(n) / vnser herren der pen(n)ere die nu syn vn(de) noch werden moghe(n) / vn(de) allen guden luden ryke vn(de) arm dy tu deme dale horen / vn(de) tu schickende hebben vor des greuen dinge vppe dat . dat / des nicht vergeten werde wat eyn islik mensche irclaget / vn(de) irstet vor des greuen dinge so scal man yt scriuen yn / dyt iegenwordige buk wen man des in dem danken also / gentzlik nicht behalden kan alset sik vor deme dinge vor/lopen het /
Hir na vint man dales recht vn(de) der stat willekore got / vnse beth irhore , dat wy nu(n)mer ensteruen . wy en muten / gottes hulde irweruen amen /
Do vnse herre(n) die bornemeistere vn(de) die schepen dit buk yrdachte(n) / vn(de) maken leten . do satten sie endrechtichliken . we syne clegede / scriue(n) lete in dyt iegenwerdige buk die scholde geuen vn(de) schal / geue(n) vnsen herre(n) den bornemeistere(n) vn(de) schepen druͦ schillinge / pen(n)inge vn(de) deme scriuere ses pen(n)inge /
| 1 | Hs. schreibt bonemeister , ohne r |