Jk Siuerd van dem Bernebroke hermen vnd Johan van dem bernebroke myneSones Bekennet vnd betuget / an dessem openen breue vor allesweme dat we vnd vnse eruen hebbet vor coft vnd vor copet to enem rechte(n) / eruen cope vnsen tegeden to hagene mẏt alle sinem rechten vnd tobehoringe alse he gelegen is . hennynge / van obbernshusen vnd sinen rechten eruen vor vertich mark vnd hundert mark lubesch de vns deger / vnd altomale na willen wol bereth sint : vnd schullet vnd willet en desses copes rechte warende wesen / us vnd wanne vnd wo dicke en des noet is : were ok dat hennyng van obbernshus(e)n eder sine erue also / gedan misqueme an velle dat se dorch orer noet willen wolden dessen dessen ¹ tegeden weder vor copen / dat scolden se vns eder vnsen eruen vore to wetende don en Jar So mochte we eder vnse² den tegeden / weder copen vor desse vorbenompden Sum(m)en geldes vertich mark vnd hundert lubesch : were dat we / des nicht don konden : So mochten de von obbernshusen vnd ere eruen den tegeden vor copen wem / se konden vnd maket sek den so se nuttest mochten Alle desse vorbenompden stucke loue we Siuerd / hermen vnd Johan geheten van dem bernebroke vor vns vor vnse eruen hennynge van obbernshus[e]n / vnd sine(n) eruen an guden truwen Stede vast to holende³ sunder allerleige list : vnd hebbet des tuͦ ener / meren be kantnisse vnd groteren wissenheit vnse Jngesegele witliken an dessen Breff gehanged Na / godes bort dusent vnd drehundert Jar dar na an deme Seueden vnd achtentigesten Jare des dinx=/sedages an den pinxsten /