Ik boldewen van oberenshusen vn(de) hinrik sin broder bekennen in / dessem jheghenwardeghen breue dat we hebbet ghesat hennyghe vsen / vedderen vn(de) sinen erue(n) vse halue verdeldel i(n) deme tegheden to ende=/holde vor neghen mark luneborgher pen(n)ighe de vns degher vn(de) al / bered sint vn(de) schult en des rechte werende wesen . des hebbe we / ene gnade by en beholden dat we moghet em edder syne(n) eruen / wedder af kopen to allen mydvasten vor de vorbeschreueden ne=/ghen mark . alle desse vorschreue(n) dink loue we stede vn(de) vast / to holdende sunder jhengherleyghe arghelist . vn(de) hebb(et) des vnse / Jngheseghel myd gude(n) willen vn(de) mid wolberaden muͦde ghehen=/ghet an dessen bref . de ghescreue(n) is na goddes bord . dusent jar / drehu(n)dert jar jn deme lxxxvij . jare . des sondaghes to mydvasten /