We henningh vn(de) Werner van odberenshusen . knappen vn(de) brodere . Jchtes [...] / werners Sone va(n) odbere(n)shusen deme god gnedich sy bekenne(n) vn(de) betuͤghen Jn desse(m) / breue . vor alle den jennen de dene Sen odder hoͤren lesen . dat we mit gantzem guden / willen vn(de) mit wolbedachtem muͤde . hebben ghedan vn(de) duͤn vnse moͤlen to veyen=/ voͤrsteloe . ludeken de jchtes [..] was muͤller to hoener . Mit aller tobehoringhe / also dat he de moͤlen buͤwen wel van van nye vp . vn(de) van der suluen moͤlen behal / vns eder vnsen erue(n) de sulue ludeke eder sine eruen gheue(n) alle jar to tintze vo(n) alle(n) / vnse plicht de we dar ane hebben twe m(ar)k vn(de) ses scilli(n)ghe lu(n)eborghe(n) pen(n)inghe . Vort=/mer So hebbe we vorbenoͤmeden . hen(n)ingh vn(de) werner . van vnser vn(de) van vnser erue(n) / weghene de nu sint vn(de) noch to komen moͤghen . den vorescreuene(n) . ludeken vn(de) sinen / de genade ghe geuen an der vorscreuene(n) moͤlen to veyenvoͤrsteloe . vmme eres arbeides / vn(de) koste willen . dese an deme [....]ghen vn(de) legghen willen . Weret dat se ichtes wa(n)ne / der molen aue ghan wolden eder scholen ¹ we hir dar negest denne der moͤlen. vnder wi(n)den wolde / de schole deme vorescreuene(n) ludeken eder sinen erue(n) . vor ere koste vn(de) arbeyt gheue(n) / Teyn m(ar)k luͤneborgher pe(n)ninghe . Odder den ghenen de eren willen dar vmme maken . vn(de) ob also / de vorebenoͤmende ludeke vn(de) sine(n) eruen hebben ghetuͤghet vn(de) ghekoft twene nẏe / Steene . To der vorbenoͤmeden molen Wan se der moͤlen aue ginghen wes de stene de(n)ne / wert weren . dat scholde se juͤm² de denne vore ghelden de sik der molen vndervvͤnde / vnde des scholden se to beident syden [...] ver mannen bliuen . dat alle desse vorscreuene(n) / stuͤkke var vns vorebenoͤmeden hen(n)ingh vn(de) werner . vn(de) van vnser erue(n) weghene . [...] / So hebbe we vnsejnghezeghele witliken vn(de) mit willen ghehenghet laten an dessen breff . De ghe gheuen vn(de) ghe screuen . Na der bort goddes verteynhundert jaer / jn dem hilghen daghe Sunte mathyeses des hilghes apostoles