We .. radmanne . jnningemest(er)e vnde burmest(er)e vnde borghe(re) gemene to / halb(er)stad bekennen in diseme openen breue . Dat we os hebben gedan . to / vsen leuen vrunden deme .. rade . den jnningemeste(re)n vnde den bor=/gheren gemene , to Assch(er)sleue . ewichliken bi en tobliuende . to al iren noden / weret dat se ienich man dringen welde eder hinde(re)n an irme rechte / dat scollen se os wetlik don . des scolle we recht vor se beden verteyn / nacht , weret . dat we nenes rechtes en helpen konden noch en mochten / so scolle we en tohulpe sin mit alledeme dat we vormogen , up vse / kost vnde auenture . Dat sulue scollen se os wed(der) don , to enem / orkunde diser dinge . hebbe we vser stad ingeseghel hengt to disem / breue . De is gescreuen vnde geuen na godd(es) bort dusent jar dre=/hundirt jar indeme ses vndetuintegesten jare , indeme heren da=/ghe sentte tiburtius vnde sentte valerianus