We . . radma(n)ne Inningemest(er)e vnde borgh(er)e gemene to assch(er)sleue / bekennen indisem breue Dat we os hebben gedan to vsen leuen / vrunden Deme . . rade den burmeste(re)n inningemeste(re)n vnde den / borghe(re)n gemene to halb(ir)stad ewichliken bi en to bliuende to al iren / noden . . Weret dat se ienich man Dringen welde eder hinde(re)n an / irme rechte Dat scollen se os werlik don . Des scolle we recht / vor se beden verteẏn nacht . . weret dat we en nenes rechtes . . / helpen konden noch en mochten . . So scolle we en tohulpe sin mit / alledeme Dat we vormoghen . up use kost vnde vse auenture / Dat sulue scollen se os weder don , to enem orkunde Diser / Dinge hebbe we vser stad ingeseghel hengt to disem breue. / De is ge screuen vnde geuen na godd(is) bort . Dusent jar / Drehundirt jar indeme ses vnde tuinteghesten jare inde/me heren Dage sentte tiburtius vnde sentte valerianus