We . . radman vnde borgh(er)e gemene . van halb(ir)stad Quedelingb(orgh) vnde assch(er)sleue / bekennen in disem breue . vnde don werlik allen De en seen eder horen / Dat we mid ghuden willen sin vruͤntliken ouer enkomen . als hir na / bescreuen steẏt . Weret , dat vns enes orleges not anstuͤnde , Des we vns / irweren mosten vnde scolden , So scolde we van halb(ir)stad holden . teẏn man / up orsen vnde teẏn man uppe hinksten , Vnde we van Quedelingb(orgh) teẏn / man up orsen vnde vif man uppe hinksten , Vnde we van assch(er)sleue vif / man up orsen vnde teyn man uppe hinksten . wor dit volk bebodet vnde / geladet worde van user aller wegene . wan id buren de muren kumt , / so draghe we schaden vnde vromen . al ouer en . . sue auer vngeladet / blift . De nemt weder schaden noch vromen . Vortmer weres vns not / so scolde we vnde willen . to disem vorbescreuenen volke winnen enen / houer man suͤlf vestegede up orsen . in welker stad se leghen de . / wile se in vseme denste weren , ire solt , vnde iren schaden scolle / we like Draghen . to enem orkunde Diser Dinge hebbe we vnser / stede Jngesegele hengt , to Disem breue , na godd(is) bort Dusent Jar / Drehundert Jar indeme acht vnde tuintegesten Jare Des manda=/ges vor Cruͤcen