We Albercht van der gnade goddes Byschop tu halberstad . be kennen jn disseme / openen breue . dat we hebben gesat den vor sychtegen mannen , hanse van schulde / vnde hanse van hezstede vsen borgeren tuͦ asch(er)sle(uen) tvo marc Brandeborgesches / geldes . eder were geldes also me wesselt echte koft vor tvo stendelsche marc / vses stede geldes . dat we hebben van den wantsnyde(re)n vp vseme jarmarkete / tu sente mychaheles dage in vser stad tu asch(er)sle(uen) vor twelf stendelsche marc / op tuͦnemene alle jarleke se vnde ere waren eruen , also langhe wente we en / be reden tvelf marc disses vorsprokenen geldes . also vse voged heyse van / Barkenuelde be scheden heft med dissen vorsprokenen mannen tu ener / be tugynghe vnde volginghe disser dinghe , hebbe we dissen bref ge gheuen / vnde ghe vestet laten med vseme jnghesegele , Na goddes bort dretteynhundert / jar indeme druͦ vnde dryttegesten jare jndeme sonauende . vor sente joh(ann)es dage / Baptysten des achtbaren hylghen