Wie Albr(echt) van der gnade goddes Bischop to Halb(erstad) . bekennen openbare in disseme breue / Dat we sint endrechtliken ouer en ghekomen . mid vsen truwen . deme Rade . Bure/meste(re)n vn(de) ynninghemeste(re)n ghemene vser stad to Halb(erstad) . Dat we mid erer volbort / vn(de) huͦlpe willen Hinde(re)n vn(de) behalden . Dauite den joden wonhaftech to Halb(erstad) . mid / sinen sonen mid sime wiue vn(de) mid sinem svagere , vmme redelke broke . de he an / os vn(de) an vsen borge(re)n to Halb(erstad) ghedan heft , alle Sin gud . Et si an redeschap . an / Erue . an varender Haue . an penden . an clenode . an schult vn(de) an breuen . vn(de) wat / me en siluen affschatten mach . Des schal de helfte gan in vse nut . vn(de) de helfte / in der stad nut to Halb(erstad) . we willen ok van vser helfte disses gudes vn(de) disser be=/schattinge . losen vse hus to weghenleue groten quenstede . vn(de) wat dar to hort . wat / os dar bouen boret . dat moghe we kerren in vse nut wor we willen . wat hir / vnwillen van velle . eder queme . des schole we . deme Rade . den Buremeste(re)n . vn(de) / ynninghemeste(re)n . vn(de) vsen borghe(re)n to Halb(erstad) erstan vn(de) se os weder . To disseme / gude schole we schicken vere man . vn(de) se vere man . de dar to sveren . dat se dat / gud mid truwen vn(de) mid vlite . opnemen vt vorderen . to samene halden . vn(de) / bewaren . to vser hant de helfte . vn(de) to vser stad hant to Halb(erstad) de helfte , wanne / ok disse achte spreken bi eren eden . dat me der Joden schattinghe nemen schole vn(de) / dat se , se nicht hoger beschatten konnen . dat schole we beydentsiden nemen vn(de) scho=/len os dar an ghenoghen laten , Men ? en schal ok nemende entsachten . an jene/gher schult . Et en si der wille de dar to sint gheschicket endrechtliken , were ok / dat der ioden ienech afginge in der vengnisse wes dar nicht af envelle . des schol=/de we beydentsiden enberen , Dat we disse ding willen gantz vn(de) stede halden / dat hebbe we ghelouet vn(de) louen entruwen . deme Rade . Buremeste(re)n vnde / ynningemeste(re)n vser stad to Halb(erstad) in disseme breue . de is mid vseme ynghe=/seghele truwelken ghevested , Na goddes Bord dretteynhundert iar Jn deme / tvey vn(de) verteghest(en) jare . Des dinsdages na sente vitus daghe .