Ek . Hintze von croppenstede . borghere to Halb(i)r(stad) be kenne . oppenbare . in disseme Jegenwardeghen breue . alle den . de en sen . / eder horen . lesen . dat ek mit vuͦlbort vnde met willen . myner husvrowen Methtilde . vnde miner Kindere . vnde / miner rechten eruen . hebbe redeliken . vnde rechtliken . vor koft Hern Thomase . Canonike . to sinte Paule . vnde . / siner suster , vnde Hintzeken . Hannen . vn(de) Cecilien . de Kindere sint margareten . suberes vp deme Holtmarkede / de sin maget , was vor dredde halue mark . de mek genzliken . be red sint teyn . Schillinghe . haluerstad(escher) pe(n)in(n)ghe . / erues tynses in dren . husen . de ghe buwet sin . in deme satke . der heft twey Hans spienweuere . Eyn lutter vn(de) eyn / grot dar he alle Jarlikes van gyft neghen Scillenghe . van dem groten . ses schillinghe . vnde . van dem lutteken . dre . / schillinghe . vnde eyn . de her hundertmark . de gift van dem dredden . eynen . schilling Dissen tyns schalme / hern Thomase . vnde den vorbenomeden . Eder we dissen bref . heft alle jarlikes al dus gheuen . vif schillinghe . / schalme gheuen . op sinte gallen dach . vnde vme vp den goden doneresdach to sammene . von den dren husen . vn(de) / van den worden . dat se wol . vor brant worden . das god . nicht en wille . ok her her thomas vn(de) de vorbesprokenen oder / wye disses breues her macht dat he vor setten mach vnde vor kopen dorch suer not willen . be wenden . / vnde keren in ere aller noͮt , mit erer aller willen . vnde vromen . wor her wel . dar en . schal . ek noch mine . / rechten eruen sie nicht an hinderen . Sunder we schullen . vn(de) willen . hern Thomase . vnde den . vorsproken . / luden rechte were wesen . wur vnde wanne . se des be gheren also des landes won heyt is . Disser ding vn(de) disser / weri(n)ghe sint thughe de wisen manne . vnde heren . her Hinrik von Blankenburch vn(de) her Jan van Berne/borch [vicare] to sinte paule to Halb(i)r(stad) vn(de) He(n)ning de Hedesleue . Hans von Croppenstede vn(de) bosse von croppe(n)stede / brodere vnde Hinricus von der Bode . Dit is ghe schin na goddes bort Anno d(o)m(ini) mo ccco q(ui)nquag(e)ci(m)o secu(n)do . / [...] gregorij pape .