JN deme name(n) goddes Amen Wie Albr(echt) van der gnade goddes Bisscop tuͦ Halb(e)r(stad) alle den die dissen brief / sien hore(n) eder lesen don ene betuͤghinghe eyner ewicheyt alse hir na steyt bescreuen Vor vns is ghewesen / bede vnser ghetruͤwe(n) Ratman vn(de) Buͤrghere tuͦ Asschersleue vn(de) be ghereden dat sie van vnsen Gnaden / vn(de) met vulbort vn(de) willen des Prouestes der ebdisschenne vn(de) des koue(n)tes ghemene tuͦ vnser vruͦwen / buten der stat tuͦ Asschersleue muͤsten buͦwen eyne(n) Altar goddes dienst tuͦ merende vn(de) frucht vn(de) nvt / tuͦ bringhende in der parrekerken tuͦ Asscher(sleue) die on in gheeghent is van vnsen vorvarden met vnses / capitteles witschap vn(de) willen , Den altar willen sie bewedem (en)e met almuͦsen die dar tuͦ beschieden vn(de) / ghe gheue(n) sin met vier marg gheldis Assch(ersleuer) weri(n)ghe , Des hebbe wie na orer begheri(n)ghe sie vor twid(et) / vn(de) erloue(n) on dat van vnser gheystleken walt weghene an disseme jeghenw(er)dighen brieue ¹ , Met alsodanem / vnderschiede dat die Ebdissche des goddeshuses vnser vruwen bute(n) der stad tuͦ Asschersleue wie die / wiere nu eder hir na an deme altare die lenwere ewichliken schal beholden in disser wise , Vor wen / die rat tuͦ Asscher(sleue) endrechtleken bed(et) den schal die ebdissche dorch god vn(de) dorch truͤwer bede willen des / rades tuͦ Asschersleue an allerleyge wedder sprake beligen vn(de) be lene(n) vn(de) anders nemande Tuͦ deme / altare schalme alle daghe holden die ersten missen wanne dat me erst metene lut tuͦ der parrekerken / an alsulken tyden vn(de) stunden dat it der parrekerken vromelek sy vn(de) nen hinder , Ok so wille wie / alse wie van rechte scolen dat die prestere die met dem altare beleghen w(er)den nu eder her na heme/leken noch ope(n)bare nenerlege opper noch votiuen an siek neme(n) scholen sie en dieden dat der ebdissche(n)ne / vn(de) den vruwe(n) tuͦ ghuͦde wanne dat gehe boret siek tuͦ rechte tuͦ der parre vn(de) scholen dat bevesten / met oͤren eden vn(de) met oreme rechte(n) , worde auer on an selgherede wat beschieden lik dem proueste / eder sine(n) cappelane(n) dat muͤsten sie wol entfanghen , Ok so wille wie nach der begheri(n)ghe vnser / vorbenomeden ratma(n)ne vn(de) buͤrghere tuͦ Asscher(sleue) dat alle dat opper dat op den altar ghe oppert w(er)t / tuͦ suͤnderleken tẏden vn(de) stu(n)den vn(de) in deme ganzen jare ewichliken met vnser vn(de) vnser nakomeli(n)ghe / volbort vn(de) des prouestes vn(de) den die ome na kome(n)de sin schal volghen der ebdisschenne vn(de) den vruͦwe(n) / in dat kloster tuͦ eyner betheri(n)ghe orer proue(n)de vn(de) tuͦ eyner bedechtnisse alle der die almuͦsen ghegheue(n) / vn(de) noch gheue(n)de w(er)den tuͦ der ewighen spende die man in vnser stad tuͦ asschersle(ue) jnnechliken / pleghet tuͦ begande enes indeme jare met almuͦsen tuͦ gheue(n)de vn(de) met goddes dienste an vilien / vn(de) an missen , Dat opper dat op den Altar ghe oppert wert dat schal die ebdissche vn(de) die vruͦwen / bevelen op tuͦ neme(n)de tuͦ orer hant vn(de) on tuͦ antw(er)dene vn(de) on tuͦ ghuͦde alse hiͤr vorbescreue(n) steẏt / weme sie willen , wie siek des van orer weghene vnderwindet den en schal dar nen prouest nochte / nemant vmme strafen eder vordenken Tuͦ eyner ope(n)bare(n) bekentnisse disser vorscreuenen / stuͤgke so gheue wie bisschop Albr(echt) dorch bede willen vnser ghe truwe(n) ratmanne vn(de) buͤrghere tuͦ / deme Altare tuͦ buwene vn(de) tuͦ bewedemene alse hir vore ghescreue(n) steyt vnse vulbort vn(de) willen / Alse vort alset vns vn(de) vnsen nakomelighen vn(de) dem archẏdyacone des stoles tuͦ Asschersle(ue) nicht / schedelik ensy tuͦ engheme rechte(n) vn(de) bestedeghen dat met dissem jeghew(er)dighen brieue den / wie on dar op hebben ghe gheue(n) beseghelt met vnsem grote(n) ingheseghele Na ghoddes ghe bort / dretteẏnhundert jar in dem vier vn(de) vefteghesten jare indem neysten mit weken vor der mit vasten