Ek Hans . von papstorp . Hinr(ik) sone von papstorp . Hinr(ik) . Hans . vn(de) ghenerd / brode(re) ghe heyten de Grisinge . vn(n)d vnse Erue(n) . be kenne(n) openbare in=/disseme breue . vnd(e) don witlick . alle den . de one seen . eddir horn lesen . / dat we ghe dan hebbe(n) . eyne rechte vor ticht . der holtmarke oppe deme / hegie . de . des vorbenomede(n) Hinr(ik) vo(n) papstorp hadde ghe west vn(de) hebbe(n) / dat ok mit be rade . mit vorsate vn(de) mit gude(n) wille(n) sunder jenigherhande / list . vnsir vnd(e) vnsir Erue(n) op ghe late(n) mit alle(n) rechte den arme(n) lude(n) / vo(n) dem hilghen gheẏste wonhaftich inder stad to halb(i)r(stad) vor dem hersli(n)ge=/dore . vn(de) wille(n) vns . noch vns(ir) Erue(n) dar nicht mer sunderlikes rechtes / ane be holden . vn(de) dar op scal alle sake . vn(de) scheli(n)ge . de ghe west is / twischen den vorb(e)nomde(n) arme(n) lude(n) . vn(de) vns ghentzlike(n) hen ghe lecht / vn(de) be richt sin . also dat we vorb(e)nomde Hans . von(n) papstorp . Hinr(ik) . Hans . / vn(de) Ghenerd de grisi(n)ge . noch vns(ir) Erue(n) oppe de vorghenante(n) Holtmarke / nicht mer spreke(n) noch sake(n) wille(n) . alle disser ding sint tughe . Hans / ta(m)me . Hans Muͦntmest(er) . Ghenerd Gro(n)nig(e) . tyle vo(n) strobecke . Dannel / inder weuerstrate . vn(de) Hinr(ik) vo(n) der molen Radmanne to disser tid / vn(de) disse bref is ghe gheue(n) . vndir Hanses Ingheseg(el) vo(n) papstorpe vn(de) / Hinr(ik) Grisi(n)ges . der we Hans . vn(de) Ghenerd Grisi(n)ge bruke(n) . nach . godd(i)s / bord dritteynhundirt Jar indeme seuenteghest(en) jare des dingsedaghes / vor sinte Margharet(en) daghe . .