We Her Hans vo(n) Ditf(er)de , Her gheuerd vo(n) Hoym , Her Hinr(ik) stamer Ridde(re) , Hinr(ik) schencke . vnd(e) Albre(cht) vo(n) wegheleue vnses hern rad va(n) / Halber(stad) . Hans naghel radesmester . vn(de) de rad to quedelingeburch thileman(n)us schriner radesmester . vn(de) de rad to aschersleue be kenne(n) opentlike(n) in dissem / breue . dat we vmme alle schelinge vployfte vn(de) twydracht de twisschen vnsem heren erwerdighen vadere in godde Biscop Albrechte to Halber(stad) vnsen / heren . den domhern . vn(de) der papheyt ghe meyne dar sulues op eyne syt . vn(de) deme rade Burmesteren Jnnigmeysteren . vn(de) den borghere(n) ghe meyne vp / dem wicbilde dar sylues to Halber(stad) vp ander syt . ge west vn(de) ge vallen sint . went an disse tid . geystlik vn(de) werlik der se an beydent syden to vns ge gan / hebben Se vruͦntliken erscheden . vn(de) be richtet hebb(e)n . Also dat de schelinge vn(de) op loyfte . genseliken synt hen ge leyt dat vnse vor(ge) nante here . vnse / heren de domheren oͤre holden heren scullen sin . vn(de) se truweliken vor heghen vn(de) vor dedingen liker wys alse vore . vn(de) de borgher von dem wicbilde / scullen vnsem heren sinen domheren . vn(de) deme Capitel truweliken denen vn(de) helpen to al eͤren noden liker wys alse vore hebben . vn(de) disse vor(ge)nante(n) / borghere scolen de domheren de papheyt . vn(de) nemeliken de von der voghedge lat(en) / by aller vryheyt vn(de) rechte alse van alder sind ge west Ok scal / vnse here vo(n) Halber(stad) . de domheren vn(de) de papheyt disse vorgenante(n) borghere . va(n) d(em) wicbilde laten vn(de) be halden by aller vryheyt vn(de) rechte alse se van / alder sin ge west Ok en scal vnse here vo(n) Halber(stad) vnse heren de domheren vn(de) de papheit noch nemant van erer weghene disse vorgenanten borghere / vn(de) de van der voghedige ge meynliken noch nemande bi suͦndere(n) vor denken vmme de schichit de schen is noch be schedighen neyne wys . des siluen / gelik scullen dat de borghere von dem wicbilde also weder holden Ok scullen de van der voghedige mit dissen vorscreuene(n) borghere(n) Stad=/muren . vn(de) grauen helpen weren alse se dat van alder ge dan hebben vn(de) de ses stutte(n) vn(de) twuͦ warden scullen se halden dit Jar alse dat be / grepen is wer ok dat se vor dat hulpe be dorften to erer beyder nod . vn(de) des landes . dat scolden se soken an vnsen heren den domhere(n) de scolden se dat hete(n) / dat dat ge scheghe . konden se vnder eyn ander des nicht eyn werden . so scoldeman dat bringen an vnsen heren von Halber(stad) . de scold(e) des eyn ouerman we=/sen . vn(de) wat he hete na des landes not myn eder mer dat scolde dar blyuen by dat men oͤn de hulpe dede also alset den borghere(n) not were . vn(de) den vo(n) / der voghedige drechlich . Ok en scullen disse vor genanten borghere vo(n) dem wicbilde vnse heren de domhere de papheyt de van der voghedighe noch / de oͤren nicht vor slaghen noch vor singelen noch vor engen neyne wys . were ok dat Jemant gestlik . eder werlik de in dissem krige be grepen synt / buten dissen dedingen vn(de) vronscap de we alsus an beyden sit geheten vn(de) ge dedinget hebben bliuen welde den scolde vnse here von Halber(stad) vnse / heren de domheren . vn(de) de papheyt dar af halden alse vordest konde(n) vn(de) mochten . vn(de) alle hulpe geystlik vn(de) waͤrlik de vnse here von Halber(stad) vnse / heren de domheren vn(de) de papheyt dar to be halden . vn(de) er worue(n) hebben nicht be hulpen syn neyner leyge wys Ok alle breue de vnse here / von Halber(stad) Sine vor waren . Vnse heren de domheren de papheyt vn(de) de borghere von dem wicbilde dar silues vnder eyn ander ge gheue(n) / hebb(e)n . de scullen gensliken . vn(de) al bliue(n) by erer macht . alse se ghe gheue(n) sint . vn(de) we radesmester vn(de) rad Burmestere Jnnigmestere . vn(de) / de borghergemeyne vp dem wicbilde to Halber(stad) be kenne(n) in dissem ieghenwordighen breue Dat we alle disse vor screuene(n) stuecke vn(de) iowelk be / broken to holdene ane in val vn(de) hinder vn(de) we hebben des to opentliker orkuͦnt . grotere wissenheyt vn(de) be kanntnisse . dissen bref ene dar / vp ge gheuen be seghelt mit vnsen openbaren ingesegele An ge henget na goddes bort Dritteynhundert Jar in dem Seuentigesten Jahre / des neysten Dinsedaghes na sinte Marghreten daghe der heyligen Juncvrouwen