We Ludolf van Neyndorp vnde Clawes van Adesleue borghere to Halb(e)r(stad) Bekenne(n) openbare / in dessem breue , dat de Erwerdighe in godde vader vnse leue here her Albrecht bisschop to / Halb(e)rst(ad) vns vor koft heft sinen hoppen tolen in der stad to Halb(e)rst(ad) vor teyn lodeg(e) m(a)rk de / we em vul vnde al betalet hebb(e)n . dessen vorscr(euen) hoppen tolen en schal desse vorben(omede) vnse here / eder sin eyndrechtighe nakomeling . van vns nicht wedder kopen . binne(n) dessen neghesten twen / Jaren na der ghift desses breues . sunder na den twen Jaren . so mach . desse vorscr(euene) vnse her(e) / eder sin eẏndrechtighe nakomelingh . den hoppen tolen van vns wedder losen . vor teẏn lodige / m(a)rk op welke tid se willen vnde wanne se den losen welden dat scholden se vns eyn half Jar to / vorn wetten laten . vnde wanne se vns denne de teyn m(a)rk gheuen . so schulle we en den tolen wed/der antwerden . ledich vnde los . vnde betuͦgh(e)n dat mit vnsen Inghes(egeln) ghe henghet an dessen bref / Na gods bord dritteinhund(er)t Jar in dem dre vnde seue(n)tighesten Jare des sunaue(n)des na Lucie(n) dage