Ok wille(n) vnse h(er)n dat de . deynste knechte nicht leng(er) / in ku(m)penie leng ¹ to samene sin sculle(n) wa(n)ne eyne(n) / dach . vn(de) nacht . we se dar en boue(n) leng(er) husede / vn(de) hegede deme wolde(n) vns(ere) h(er)n dar v(m)me to spreke(n) / vn(de) de scold(e)n der stad wedd(er) don /

Gottscalk scal seen wur he sin korn lecge dat id be waret / sij vor vuͦre . Et scal ok neme(n)t neyn ² korn oppe sine brederie / lecge(n) dar he vnder browe . wur me(n) des ouer vundich w(er)de / de scolde der stad j . mark geue(n) /

Vnse h(ere)n de Rad . mest(er)e . vn(de) b(ure)mest(er)e Innig(emestere) ³ sint to rade / wuͦrde(n) wes vor veste man hir op der strate gheyt an / des orlef vn(de) wille(n) . de on vor vest(et) heft v(m)me sculde , de / scal dat vns(er) h(ere)n witlick don . dem wille(n) vnse h(er)n denne / der stad knechte lijen , de sculle(n) ome eijns pandes helpe(n) / dat he vor sette . edd(er) vor kope vor de sculde dar he en v(m)me / vor vest(et) heft . Is ok dar nicht to pandene . so sta de / vor veste man sin aneneme na alse , vore(n) . w(er)e ok dat eyn vns(e)r / burg(er)e en wech toghe edder en wech teen wolde ⁴ vn(de) nicht be tale(n) wolde / dat he sculdich w(er)e wur me(n) des ouervundich wurde . dat / he en wech brincge wolde⁴ dat he hedde dee gud scolde me(n) hind(ere)n / leker wis alse eyne(n) gaste . id en w(er)e de(n)ne dat he sek des / ledege(n) wolde mid rechte dat he dorch sculde wille(n) mige(n) teen / wolde dat scolde me(n) von eme neme(n)

Ok wille(n) vns(ere) H(er)n dat Hir nemend hoppe(n) kope(n) scal / oppe dem markede den he vord vorkope we dat boue(n) dat / dede de scolde dat der(e) stad wedd(er) don /