i(n) de(m) name(n) vns(es) h(ere)n jh(es)u(m)

Vnse he(re)n Rad mester(e) vn(de) burmester(e) sin ey(n)drechtlike(n) to rade worden myt / witschap al vns(er) alden ¹ borg(er)e were Jeme(n)t he w(er)e we he w(er)e de den rad / to halb(e)r(stad) eder Je(n)nigen vnser borg(er)e myt vtwendigem w(er)like(n) ge richte / mogede vn(de) vnse here va(n) halb(e)r(stad) ed(er) vnse Juncher(en) va(n) regensle(ue) ed(er) vnse / fru(n)de de Rad to Quedelingborg(e) vn(de) to asschersle(ue) des rades to Halb(e)r(stad) / vn(de) ok ores borgers we de w(er)e de also ge moget worde mechtich w(er)en / Dat se dem cleg(er)e vor on ant w(er)de(n) vn(de) don wolde(n) wes se va(n) ere vn(de) recht(en) / weg(e)n plichtich w(er)en vn(de) be houede de cleg(ere) dar to geleydes dat me ome / aff vn(de) to velicheyt vn(de) ge leyde geue vn(de) de op g(e)n(a)nten dat vor den rad / ed(er) vnse borg(er)e weme des be hoff w(er)e schreue(n) vn(de) bede(n) wolde des de cleg(ere) / also nicht neme(n) vn(de) worde de [...] ² rad ed(er) Je(n)nich vns(ir) borg(ere) dar en bouen / vor volget ed(er) vor wyset den schulle(n) vn(de) wille(n) we noch vnse nakomeli(n)ge(n) / des nerge(n) an vntgelde(n) late(n) Sund(ern) men schal one holde(n) i(n) alle siner / rechticheyt alse vor er he vor wu(n)nen ed(er) vor wist wart et en schege / denne v(m)me alsodene sake der me va(n) ere vn(de) recht(es) weg(e)n nicht vor / deding(e)n mochte Se schege ok dat je(n)nich vnwille twissche(n) der up / g(e)n(an)ten h(er)en welkere(n) vn(de) vns up stode vn(de) wolde de we de w(er)e vor den / rad ed(er) vns(ere)n borg(eren) weme des not ge schege v(m)me des vnwille(n) willen / ney(n) recht schriue(n) ed(er) bede(n) doch wan der and(ere)n welk . recht vor de ed(er) / den schreue ed(er) bode dat scholdeme like wol holde(n) i(n) aller macht alze / vor rede ge screue(n) is vn(de) den cleg(ere) de dat also vor sloge vn(de) des also / nicht neme(n) wolde de en scholde vns to ewigen tiden to nenem borg(er)e / mer gudenoch sin