Jt(em) We ok stangen hoppe(n) her brochte op de(n) market ¹ vor kofte vn(de) den² vor berch hoppe(n) den wolde(n) / vse h(ere)n vte der stad wisen late(n) . /

Jt(em) we ok hoppe(n) her brochte de vor meneget w(er)e den wolde(n) vse / h(ere)n ok vt der stad wisen late(n) . ok en scal neme(n)t neyne(n) hoppe(n) / vor kope(n) sundir hir op dem kerckhoue . noch op perst(strat)e(n) he en wille en / silue(n) ver browe(n) /

Jt(em) we ok wat weghe(n) late(n) weld(e) id sy wulle edd(er) anders wat ³ , de scoldet oppe der stad waghe / wege(n) late(n) vn(de) anders nirghe(n) we des nichte(n) dede de scolde dat der stad wedd(er) don /

Jt(em) we der stad tinses plichtich sẏ de bidde(n) vns(e) h(ere)n dat den / malk entrichte . dat me(n) den [...]/

Jt(em) we ok vns(en) h(ere)n vo(n) halb(e)r(stad) toln plichtich sy to geuene nv to dem jarmarket de / bidde(n) vnse h(ere)n dat me(n) den toln antw(or)de sine(n) tolne(r) wuͦ sek dat ge bore /

Jt(em) Ok wille(n) vnse h(ere)n dat neyne deynst knechte noch geste vt lude ⁴ scole(n) swerd / noch neynerleye were draghe(n) id en w(er)e denne dat se ere(n) / h(ere)n na gingen auend eddir morghe(n) edd(ir) dat eyn geruchte wurde hir i(n) der stad edd(ir) dar bute(n)⁵ we id boue(n) dat dede / deme scoldeme de were neme(n) . dat scal jewelk werd / sine(m) gaste witlich don . welk werd dat vor sweghe de scolde der / stad geue(n) v sol(idi) . vn(de) dat pand lose(n) vor dre schilli(n)ge / id enw(er)e den(n)e dat he is vo(n) liues nod nicht don mach /⁶

Jt(em) Ok scal de werd silue(n) wake(n) edd(ir) scal ⁷ so scolde he dochdar lude to sende(n) dar me wol / medde wete(n) moge ⁸ mochte we des nichte(n) dede mid dem wolde(n) vse h(ere)n / also voge(n) dat id eme nicht enene w(er)e /

Jt(em) Hir gan vaste lude opp der strate de vor vest(et) sin . ane orlef der / richte(r) vn(de) sacwolde(n) . bidde(n) vnse h(ere)n dat sek mak dar vore beware(n) / vn(de) stuge de veste we des nicht(e)n dede den wolde(n) de richt(er)e+ hind(er)n / vn(de) i(n) de hefte late(n) sette(n) . /