To deme ersten dat we schullen vnd willen de borch to halb(e)r(stad) by aller vrigheit [vnde] / rechticheit blyuen geistlik vnd(e) wertlik an allerley hinder vnd geuerde alzo dat [...] / aldir schal [...] /

vnd bruken de wile [...] /

noch enwillen an der seluen borch [...] /

don dat schullen vnd willen we truwilken helpen wen [...] /

ku(m)met de mach dar ynne kopen vnd vorkopen allerleye [...] /

vnd we dat syne in der borch vorkopen wolde eddir der [...] /

den vnd de en schulle we noch nemant dan vnsir [...] /

syne [...] eddir afftho bringhende neynewis [...] / ¹

/ Ok vm(m)e wyn vnd andir gedrenke mach men in der borch sellen vnd vorkopen als man van / aldir gedan heft dar ane en schulle we neymandes hindern noch hinde(re)n laten in allen / bleken ane geuerde . vnd ok neyn gelt noch tollen dar van esschen vnd neme(n) . noch esschen / eddir nemen laten de van aldir nicht gewest is /

Wolde ok we eddir vns(i)r ymand wene schuldigen dat he inder stad to halb(e)r(stad) vorkoft / eddir gekoft hedde dat jenighe vnsir Jnni(n)ghe an rorde de en schulde we nicht / schuldigen dat he bynnen der stad muͦren vorkoft eddir gekoft hedde sunde(re)n we schulle(n) / den betichtigede(n) schuldige(n) vor der wertliken richte(re)n in der stad halb(e)r(stad) . Alsus dat de / kopman vorkoft eddir gekoft hebbe inder stad halb(e)r(stad) buten der vrigheit der borch / dat des klegers Jnni(n)ghe an rore vnd bekende denne de kopman dat he buten der / vrigheit der borch inder stad vorkoft eddir gekoft hedde dat des klegers Jnni(n)ghe an / rorde so mochte de klegher den kopman vor den seluen richte(re)n vorvolghen . vorsakede / he auer des so scholde he sek des ledigen vp de hilghen dar mede schulde de beschuldi(n)ghe / ledich sin vnd de on beschuldig(et) hedde scholde eme ane vortoch syne koste vnd schade(n) / de he des hedde erleggen nach rechte /

Geschege ok dat inder vor(genanten) borch vriheit icht geschege an kopende eddir vorkopende / des vns duchte dat van aldir nicht gewest we(re) . dat schulde we vns(en) he(re)n den domhe(re)n / vorkundighe(n) alze dicke des nod we(re) . wat denne vnse he(re)n de deken vnd de eldeste in / dem l capittel eddir icht de deken nicht to hus we(re) . de eldesten he(re)n twene indem capittel(en) / de dar ieghenw(er)dich we(re)n by eren eyden seggen wolden dat van aldir inder borch gescheyn / we(re) dare scholde dat vorbat mer ane hinder vnd ane dedi(n)ghe by blyuen /

Vortmer en schulle we noch en willen vp vns(i)r he(re)n der domhe(re)n Collegien vnd papheit / gemeyne eddir besunde(re)n eddir op ore dener vnd gesinde nicht setten eddir kundigen / eddir setten vnd kundigen laten dat en an eren lyuen gude(re)n vrigheiden vnd rechten / schedelik sin eddir to schaden komen moghe ane geuerde vnd one ok neyne gewalt / noch freuel don //