Ok vm(m)e den breiff de ouer de vriheit sente pawels hoff to halb(e)r(stad) geheue(n) is den / schulle we vnd willen halden /

We en schullen ok neyne weghe de to der borch ghen eddir to ande(re)n godishus(er)n clost(er)n / vnd geistliker lude woni(n)ghe vnd houes noch de borch vnd de houe dar ynne vnde andir / [... he(re)n] vnd ere gude nicht [vor ... vortince(n)] vor slagen vor slingen vor blanke(n) / vor buwe(n) noch ienchir wyse(n) vor enghen ane geuerde wat ok we des gedan hebben / bynne(n) der stad vnd dar buten dat schulle(n) we van stund weddir aff don /

Ok en schulle we vns(i)r he(re)n de domhe(re)n colleg(ien) vnd papheit to halb(e)r(stad) vnd ere gesinde / vnd dener nicht hindern noch hindern laten vt vnd in to teende vnd dat ere to vnd aff / to bringende ane geuerde /

We(re) ok dat preiste(re) vnd ande(re) belende geistlike lude wonden in vns(ir) eddir oppe houen de / dar to leene ghingen van vns(ir) he(re)n den domhe(re)n godishus(er)n eddir papheide de dar / to neyber eddir to strate(n)rechte leghen vnd van aldir plichtich we(re)n . de schulle(n) alle recht / doͤn van den husern eddir houen vnd nicht van oren guderen ane des schulle(n) se er / heuen sin vt teyndes med dem wapen vnd neyne(n) gerochte volghen schullen /

Wor auer wry houe eddir hus sin buten der borch beleghen dar leygen inne wonen / vnd neyne gudirhande lude eddir hoflude syn de handeli(n)ghe hebben tyenghe anrorde / med kopenschop vppe late de schullen ere eyghen gud vorscheten vnd nicht de houe / eddir huͦser vnd ok neyn borgher recht dar van don sundir papen guderhande lude . hoflude / de der handeli(n)ghe nicht hedden de in vrygen houen eddir huseren wonede(n) de schulle(n) / alles borgher rechtes vry sin ane argelist /

Ok en schulle we noch en willen vns(ir) he(re)n der domheren Colleg(ien) clost(er) vnd papheit / an eren buleni(n)ghen noch an oren tinczen . vnd gudern nicht hindern noch hindern / laten . sunde(r)n we schullen vnd wille(n) dat holden als et van aldir geholden is ane geuerde /

So danne vm(m)e der colleg(ien) closter vnd papheit tincze vnd stede pe(n)nighe de se hadden / vp dem markede vnd vp der stede dar vnse Radhus vppe gebuwet is de schulle we / vnd willen en allener reyken geuen vnd betalen vp sinte mertens dach iowelkem / so vele als eme gebord //