Gheuerd va(n) hoym vn(de) geuerd reyg(er) hebb(et) / dit ge dedinget nach vns(i)r bedir willko(r)e vn(de) wille(n) /

Leyen de halb(e)r(stad) bewone(n) oppe vrien houe(n) . de handelinge hebb(e)n / sculle(n) helpe(n) to der gemeyne(n) huͦder welk leye des weygerde dat / scoldeme(n) an deme soke(n) , vn(de) witlick don vnder deme he sete , wolde / sek de leye denne des mid rechte ledege(n) dat he neyne handelinge / hedde dat scoldeme(n) vo(n) em neme(n) /

Ghe schege ok dat guderhande lude hir oppe vrie(n) houe(n) sete(n) , edd(er) / dat se er meyer(ie) dar oppe hedde(n) de scolde(n) vry bliue(n) /

welk leye ok der vrien houe welke(n) meddede , edd(er) to liue kofte / vn(de) handelinge dar oppe hedde de scolde helpe(n) to der ge meyne(n) hude / vo(n) dem sine vn(de) nicht vo(n) dem houe dar he oppe sete /

wolde ok eyn bederue man hir i(n) teen . dat he godde deyne(n) wolde / vn(de) wolde neyne handelige hebb(e)n . sundir dat he ete vn(de) dr(i)nke / vn(de) godde deynde des scoldeme(n) eme gvnne(n) . vn(de) vorde(ren) nirge(n) vm(m)e to / spreke(n) /

de von halb(erstad) x . op(en) orsen . vn(de) x opp(en) hengest(e) / de va(n) qued(linborch) x op(en) orse(n) v . opp(en) hengest(e) , de vo(n) / asch(ersleuen) ok so vele //