Ok sint vnse he(re)n Rat mester vnde burmester ey(n)geworden ¹ we hir hoppen hefft vnd vorkopen wil den schal / he reyne maken we des nicht endede vnde men ande(re)n dar vinde de willen vnse he(re)n by ffore / alse recht is des glik willen vnse heren don den dede hoppen vorkopen anders vmme vor dat he id / dar beware sek malk ffore /

Ok don gik vnse hern Rat mester(e) vnd burmester(e) witlich we hir mer breue heng(e)t eddir vor / desser tyd breue heng(e)t hefft dede gan vp bederue lude der me(n) nicht wil bekant wesen wuͤr me / des ouerwundich wirt vnd vp den kumpt de dat ghedan hefft dar wil me bẏ ffore(n) vnde den / halden alze eyne(n) meͤrder /

Vnse h(ere)n rad mester vn(de) burmester sint ey(n) ge worde(n) vn(de) wilt dat genslike(n) ² ge holde(n) / hebbe(n) dat de vrowe(n) de des toges sin hir nicht schulle(n) gan up der strate dar des / vnse he(re)n mechtich sin se en schulle(n) hebbe(n) en reke(n) dar me se by kenne alze eyne(n) / gele(n) lappe(n) drier vinger breytwelk des alzo nicht en helde ³ vrowe de des alse⁴ / toges we(ren) vn(de) des lappe(n) nicht en drage de schelde der stad knechte up holden / vn(de) in der dene stok sette(n) wa(nne) de dar ut wel de schal geue(n) den knechte(n) ey(n) lot /