Ok wille(n) vnse h(ere)n wur lude de vnse burg(er)e sin ¹ schelhaftich sin de vnser² / schelhaftich ³ w(er)de(n) vm(m)e gud de sculle(n) des erst vor vnse h(ere)n kome(n) / vn(de) se dat ir ke(n)ne(n) late(n) welker er dar recht to hebb(e)⁴ . er sek / malk dar medde be lyen late . we de(n)ne de neyste . dar to is / vn(de) recht dar to heft de bliue(n) dar by alse sek dat ge bore / we des nichte(n) dede , vn(de) dat anders heylde dem wolde(n) vnse h(ere)n / dar v(m)me to spreke(n) /

Ok wille(n) vns(e) h(ere)n dat neyne schep(er)e en scaͦlle(n) driue(n) oppe der lude / korn wint(er) edd(er) vn(de) ⁵ som(m)er wene me(n) dar ouer be trede dene / scolde me(n) (et cetera) dar en scolde neyn bede vore gan noch to helpe(n) / dat bidde(n) gik vns(e) h(ere)n alle na to secgene , we ok nv schep(er)e / hebbe de warne se dar vore /

Ok wille(n) vns(e) he(re)n dat alle herde den lantg(ra)uen so verne driue(n) / schulle(n) dat se van dem vee vnvortredde bl(i)ue(n) /

It(em) alle olde louede wel me(n) gehalde(n) hebb(en) der en deyt me(n) / neyn af /

Ok wille(n) vnse h(ere)n huse . hege(n) spise(n) bord(er)n alle der de hir hoge(n) / wille(n) . op vse viende one scade(n) to donde . alse op de bertesleuesche(n) / op de wulfesburgesche(n) vn(de) op de schencke(n) to vlechoge(n) vn(de) op alle / de de vse viende sint vt ge nome(n) alle de , de vor lant fred(en) sin / der en wel me(n) nicht hege(n) noch neynerleye vordrusse don .