Ratmanne . burmest(ere) . vn(de) Inni(n)gmest(er)e . . vnd(e) alle vnse / buͦrg(ere) ghe meynlike(n) Ju(n)cg . vn(de) alt reke . vn(de) arm sind / to rade wuͦrde(n) . vnd(e) hebb(e)n dat ok eẏndrechtlike(n) mid gude(n) / vorb(e)dachte(n) muͦde ghe wilkoret . . wat leÿen sin . de halb(e)r(stad) be / wone(n) binne(n) der muͦre(n) . se wone(n) hir wur se wone(n) dat de mid / vns to Rathuse scote(n) sculle(n) . . vn(de) vns be hulpe(n) sin to eyn(er) ghe / meyne(n) huͦde malk nach siner moghelicheit alse and(er)e vnse buͦrg(er)e / hir to wichbelde don . nach vnser stad wilkore . vn(de) wonheyt . . vt / ghe nome(n) vnse h(ere)n de domh(ere)n . . de papheit vn(de) er ghe sinde . guder / hande lude . vn(de) er ghe sinde . . we ok des nicht en dede . vnd(e) / des also nicht vt en heylde mid dem scote . alse dat nv disses jars / be gvnd . vn(de) ane heue(n) is den . edd(er) deme scolde de Rad volghe(n) / mid der veste . vn(de) de so lange in der veste halde(n) want , se / der stad wille(n) v(m)me dat scod makede(n) dat se , vor sete(n) hedde(n) . . disses / sy we eyndrechtlike(n) to rade wuͦrde(n) . vn(de) ouer eẏn ghe kome(n) dat / we , vn(de) alle vnse nakomelinge dat stede gantz vn(de) vnuorbroke(n) / also halde(n) wille(n) . dorch nuͦd . vn(de) vorme(n) der stad to halb(e)r(stad) . vn(de) des / gantze(n) landes . dit is ghe schin nach gots bord dritteynhundirt / jar indeme achtenteghest(en) jare vor nycol(aus)