WE Ratmanne der stad to Halb(e)rs(tad) bekenne(n) indisseme opene(n) breue . vnd(e) don / witlick alle den . de one seen . edd(er) hore(n) lesen . dat we Hinr(ik) bodeckmanne . vnd(e) / sine(n) Erue(n) ge dan hebbe(n) des spettales mole(n) vo(n) dem heylighe(n) gheẏste de geleghe(n) / is boue(n) der stad Halb(e)rs(tad) . to erue(n) tinse mit alsodane(m) rechte alse se enn andir vore(n) / ghe had het . Jndisser wis dat he . edd(er) sine(n) erue(n) dar alle jaͥrlikes van geͥue(n) scal . vnd(e) / wil dre lodeghe mark to tinse . deme albede von Huseb(org) verteyn schilli(n)ge Halb(e)rs(tedischer) / pe(n)ni(n)ge vn(de) elue(n) lodege v(er)dinge twiger schilli(n)ge pe(n)ni(n)ge nu vo(n) den silue(n) dren marke(n) / den arme(n) lude(n) . to dem vorb(e)nompde(n) spettale to veyr tide(n) . alse to pasche(n) . to sinte galle(n)=/dage . to sinte Joh(annes) dage to midde(n)so(m)mer(e) vn(de) to winachte(n) ane hindir wuͦ sek dat gebord . disser / vorb(e)nompde(n) mole(n) sculle we vn(de) wille(n) Hinr(ik) vorbe(nompd) . vn(de) siner erue(n) rechte were wesen / wanne . vn(de) wuͦre one des nod is . w(er)e ok dat he . edd(er) sine erue(n) de mole(n) verkope(n) wolde(n) / dat scolde(n) se vns vn(de) den arme(n) lude(n) . vorg(e)n(an)t erst witlick don . were(n) de arme(n) lude denne so / stathaftich dat se de mole(n) wedd(er) kope(n) mochte(n) . vn(de) wolde(n) dene scolde(n) se de mole(n) laten / w(er)e ok des nicht . weme he . edd(er) sine(n) erue(n) de mole(n) de(n)ne ver kofte(n) , deme scolde we / se vor breue(n) geliker wis alse we se Hinr(ik) vn(de) sine(n) erue(n) vore ver breuet hedde(n) . des to / eyn(er) bekantnisse . geue we . Hinr(ik) vorbe(nompd) vn(de) sine(n) erue(n) dissen bref mid vns(er) , anehange=/den Jng(esegel) besegeld Nach Gots bord dritteynhuͦndirt Jar indeme veyr vnd(e) achtinteghest(en) / Jare an sin(n)te Galle(n) auende