Ek wilkin pipe borgh(er)e tho Halb(e)r(stad) hampe sin huͦsurowe be ken(n)en in disseme opene(n) breue / vor alle den de en seen horen eder lesen . dat we endrechtliken mid vnser beẏder vru(n)de / vuͦlbort vn(de) ghuͦdeme willen hebben gheuen vnse buͦde tighen den cramen vnser leuen vro/wen sente marian vn(de) sente mertene na vnser beẏder dode ledigh vn(de) vri . suͦnder tuͦene / schilli(n)ge pe(n)in(n)ge de hebben de heren von sente iohanse dar ane mid disseme wilkore eft ek / wilkin vor ghenant ienighen vru(n)t lete de in der buͦde welde wonen des scholden eme / de alder luͦde ghu(n)nen vmme alsodanen tinz alse dar eẏn ander vore gheuen welde . tho ene(r) / orkuͦnde suͦ hebbe ek wilkin pip(er)e dissen breff truͦweliken beseghelet mid mineme inghese/ghele na goddes bord dritteẏn huͦndert iar in deme seuen vn(de) achteghesten iare des ersten / sondaghes in der vasten .