Nach goddes bord Mcococo lxxxvij jare was burg(er)mest(ere) Hans van Haskerode in dem Rade / we(re)n gheuerd van hersleue , Albr(echt) van alsleue , Hans van dinghelstede , Mathias van hadeber(ch) / Dẏder(ich) van helmestede , arnd buse , vn(de) hinr(ik) van ost(er)rode , Burmest(ere) we(re)n Herma(n)s der we(n)dewen / Cord snorreboghe Hintze van helmestede , Jan perte , Becheman van serchstede , tẏle van dinghel=/stede , Tyle van emersleue , vn(de) Heẏse vricken , to der suluen tẏd we(re)n mester(e) Hintze blingherod / Cord qu(a)stede , werner knat(en) tẏleke q(u)astede , He(n)nig(h) ko(n)ni(n)g(h) , pet(er) van berneburch , Hintze / pellel , kersten karsenwerchte , Fricke howech , Cord herwighes , Hans van wege(n)leue , gereke / smed , Hans dre(er) , Cord kancke , Hinr(ike) koydelhaue , Cord scheneberch , Hintze Molborch , wilben / Cramer(s) , gheuerd a(m)mendorp , vn(de) Heẏse linden , de wurden eyndrechtliken des eẏn / mid wolbedachtem mode vn(de) gudeme Rade , dat se sek van der stad weghene vnderwu(n)ne(n) / der hus vn(de) houe in der nẏen stad de Ber(n)d suetlinghes sek to sede , vn(de) der stad manich jar / vore entholden hadde , also dat he sek der lenware vn(de) des tinses vnder want , vore entholden / vn(de) vndir sek ghehad hadde wol . xxx . jar eddir xl . des he selue(n) beka(n)de vor Rade Burmeste(re)n / vn(de) Inni(n)gmeste(re)n vorb(enan)t , vn(de) hed sek des mid der stad wol bericht(et) , vn(de) vor desse vorscr(euene) stucke / bẏne rechte orueẏde ghedan vn(de) ghe swore(n) , also dat he noch nement van siner weghene / der schicht an neme(n)de wreke(n) schal noch en wel mid worden noch mid werken , mid gheẏst=/likem noch mid w(er)likem rechte , to vor(en) an , an alle den de hir medde begrepen sin vn(de) vor / screu(en) stan , also de hir in rade an dade vn(de) an volghe ane west hebb(e)n dat desse nabescr(euenen) / sine vru(n)t Clawes van adesleue , dannel in dem bredenweghe , Cord sacharias , vn(de) Cord / van gatsleue dar to vor on mid sampder hant entruwen gheredet vn(de) ghelouet(h) / hebb(e)n dem Rade burmeste(re)n vn(de) Meste(re)n vorb(enan)t , vor ber(n)de , vor se seluen vn(de) vor alle / or na komelinghe stede gantz vn(de) vnvorbroke(n) to holdene ane aller leẏe bos(en) in val / ghebreken eddir arghelist se noch neme(n)t van orer weghene , su(n)der dat se alle desse vorscr(euene) ding(he) vn(de) dedinghe ghentzliken halden wille(n) also vorscreu(en) steẏd