We Rad Burmest(er)e vn(de) Inningmest(er)e der stad to Halb(e)r(stad) beken(n)en / in dess(em) breue , dat we redeliken vn(de) rechtliken verkoft hebb(e)n eẏne / halue lodighe mark ingheldes jarliker gulde der vrome(n) ju(n)c=/frowen Alheẏde Reẏnerses , tẏlen docht(er) alksydes vnses medbur=/gers , vor vyf lodighe mark de vns wol betalet sint vn(de) we in / vnsir stad nvt ghekard hebb(e)n , desse vorb(e)n(ante) gulde schulle we vnde / wille(n) or alle jarlikes reken vn(de) gheue(n) van vnsem radhuse vppe / sente Nẏchola(us) dach ane hindir vn(de) vortech se werde gheystlik / eddir blẏue werlik , de wẏle dat se leuet , . . Su(n)dir wan see / oren gheẏst vp gift so dat see steruet also we alle mochen / so werd de erb(e)n(annt)e halue lodighe mark gheldes vnsir stad / leddich vn(de) los ane Jeng(er)leye weddir sprake , dat or dit van vns / vn(de) vnsen nakomelinghen stede gantz vn(de) vn vorbroke(n) gheholde(n) / werde gheue we or dess(en) breff , mid vnsir stad anhangden / inghesegelle besegeld Nach der bord goddis drettein hu(n)dirt / Jar in dem neghe(n) vn(de) Achtentigesten Jare in sente Juͦr=/gen daghe des hilge(n) merteleres , , , ,