Ek dedelef van derdessem ku(n)ne sin elike husfrowe vn(de) vnse erue(n) Bekenne(n) in diss(em) opene(n) breue dat de / eddele vnse here greue olrik to Reynst(er) mid sine(n) guden willen vn(de) vulbord vns erloft heft to vor kopen / ver m(a)rk geldes iarliker gulde den vicarie(n) to vns(er) vrowe(n) to halber(stad) ut dem halue(n) teyden to wyby den / we van dem vorb(e)n(an)t(en) vns(en) here(n) to lene hebb(e)n disse vorb(e)n(an)t(en) ver m(a)rk geldes schulle we vn(de) willen vn(de) vnse / eru(en) wedder kopen van den b(e)n(an)t(en) vicarie(n) in diss(er) neste(n) vnbeganden dren iaren vn(de) den bref wedder van on / ledigen den vnse vorben(an)t(en) here den vicarie(n) dar ouer besegelt heft an allerleige vortech vn(de) hinder To / merer wissenheit so sette we en hir vor to borge(n) vnse vrund de hir na bescreue(n) stan Ek Hans van / torstad knape Hans nygemarket Hans stos vn(de) bethman stos borg(er)e to halber(stad) bekenne(n) dat we gelou(et) / hebb(e)n vn(de) loue(n) vor dedleue van derdess(em) ku(n)nen sine elike husfrowe(n) vn(de) ore erue(n) se mid vns vn(de) we mid on / alle mid einer sa(m)menden hant vns(er) here(n) greue(n) olrike van Reynse(re) vnd(e) sine(n) erue(n) de vorb(e)n(an)t(en) veir m(a)rk geldes / ut dem haluen tegeden to wyby in diss(en) nesten vnbeganden dren iare(n) wedder to kopene van den vicarien / to vns(er) vrowe(n) to Halber(stad) vn(de) en den bref entledgene den he on dar ouer besegelt heft an allerleige vortoch / vn(de) hinder vn(de) we sakwolden vn(de) borge(n) hebb(e)n des to einer bekantnisse vn(de) merer wissenheit alle vnse inges(egel) / ge hengh(et) an diss(en) bref vn(de) ek dedelef hebbe . my(n) ing(esegel) vor mek vn(de) myne erue(n) gehengh(et) an diss(en) bref des / ek vrowe ku(n)ne met on dar ane bruke wan ek sulue(n) my(n) eige(n) ing(esegel) enhebbe Na goddis bord dritteinhu(n)d(er)t / iar dar na in dem seue(n) vn(de) negentigesten iare des vridag(es) in sinte Bartolo(m)e(us) dage des hilge(n) aposteln .