Ratma(n)ne . burmest(er)e vn(de) Jnnig(esmestere) vn(de) vns(ere) borg(ere) ghe meynlike(n) / Rike vn(de) arm Juncg vn(de) ald sind to rade wurde(n) vn(de) eyndrechtlike(n) / ouer eyn ghe kome(n) . vn(de) hebb(e)n sunderlike(n) wilko(r)et . also dat we / wille(n) wat leyen sin . de halb(e)r(stad) be wone(n) . sculle(n) to rathus(e) scote(n) . vn(de) be hulpe(n) / sin to der ghe meyne(n) hude malk nach siner moghelicheit alse and(er)e / vnse burge(re) don . dar sculle we vorb(enomede) Radma(n)ne b(ur)mest(ere) vn(de) Jnnig(emestere) / vn(de) alle vns(ere) nakomeli(n)ge se to halde(n) , so we vordeste kvnne(n) vn(de) moge(n) / dat se deme also vt volge(n) . we . vn(de) alle vns(ere) nakomeli(n)ge sculle(n) . vnd(e) / wille(n) dat truwelike(n) also halde(n) alse me(n) des ouer eyn ge kome(n) . vnd(e) / to rade . wurde(n) is . alse vore screue(n) steyd . vn(de) des nicht vor late(n) . noch / vor tigen . vn(de) by name(n) dar anders nicht i(n) noch vt to settene . me(n) / dvͦ dat mid der aller rade wiscop . vn(de) vulbord de hir ane vn(de) ouer ge/west hebbe(n) . de da(r) alsus ghe maket vn(de) gewilko(r)et hebb(e)n /

Vortm(er) en sculle we vorb(enomede) . noch en wille(n) . neyne b(re)ue gheue(n) / noch be seghel(e)n pape(n) oppe gulde an erue(n) . alse an husen . vn(de) an houe(n) / vnser burg(er)e hir i(n) der stad . , Vn(de) neyn burg(er)e en scal pape(n) noch / goddeshus(er) gulde vorkope(n) . noch geue(n) an sine(n) erue . dat we vorb(enomed) / eyndrechtlike(n) vor vns . vn(de) vor alle vns(ere) nakomeli(n)ge ge louet . vn(de) ge / wilko(r)et hebbe(n) to haldene deme ghe , lick , alse boue(n) screue(n) steyd etc.