We tile vnd(e) Cord van qu(en)sdidde borgir(e) to halbirstad Katryne vnd(e) grete vns(er) eligh(e)n / husfrowen myt vns(er) erue(n) Beke(n)nen in dessen open(en) breue vor alle den de one seen / hore(n) efte lesen dat we rechter schuld schuldich sint , Sestich lodig(e) m(a)rk halb(e)r(stedischer) wering(e) / dem bescheden(en) ma(n)ne he(n)nig(e) van adesle(ue) gesen syner mo(n)ne zacheren syner husfrowen vnd(e) / oren erue(n) dar we vp reken vnd(e) on , gheue(n) schullen vnd(e) willen vif lodig(e) Mark der selue(n) / wering(e) to tinse alle Jarlekes vp de wy(n)nachten al de wile we one de bena(n)ten sestich m(a)rk / nicht weddir geheue(n) edir dat se de weddir eschen willen dat moghe we an beyden syde(n) / don welkes iars we willen dest vnser eyn dem andern dat to vore(n) eyn verndel iars vor(e)ku(n)=/dighe vnd(e) witlich doͤ vnd(e) de(n)ne vp de selue tyd so schul we on debena(n)ten sestich m(a)rk / gentzliken ful vnd(e) al betalen myt dem tinse de sek den(n)e dar vp bore(n) mochte ane hinder / vnd(e) vortoch dat loue one in truwin stede vnd(e) vast thu vnuerbroken to haldene an aller/leye argelist des to orkunde hebbe we von vnser vnd(e) vnser erue(n) weghin one dussen breff / dar vp gheue(n) besegilt myt vnsen Ing(esegel) nach goddis bord dusent veirhundirt iar des dinse=/[dages ... ]