[...]¹ Kerkhof . Mester we(re)n . dedelef derdes(ser) . Hans steye cord matias . knad . pedir Ber[.../ ]dernborg(er) Arnd loden . Beͦrnker heni(n)g pellel . Heni(n)g tzeffel[...]meteling / wern(er) tzache(r)ies Cord va(n) dingellest(er) . wepek(e) waldach . Tins[em]ester(e) Heni(n)g / hane . wykers dre(wes) beckir Cort va(n) gust . Kronsbeyn . Buͦrmester(e) wer(ner) , / Rusting . Bosse Kroppe(n)se(n) Querreborg Bruͦeg(e)man Ebeling dey gered(e) / Albrecht steynwercht(er) . loueman . waspule . De sint eyndrechtlike(n) thu rade / wurden vnd(e) vp eyn ge kome(n) . dat se . albr(echt) van alsle(ue) wille(n) be halde(n) / in der veste . dar he in(n)e ge brocht is myt rechte vnd(e) ge richte vns(es) h(ere)n / van halb(i)r(stadt) . v(m)me grot(er) twyͤdracht , vnd(e) vngeluckes wille(n) dat he makede / vnd(e) wolde ge maket hebb(e)n mang(e) vns(es) borgi(re)n to Halb(i)r(stadt) . Vnd(e) ok dar / v(m)me grotes homodes vnd(e) vreuels willen den he dan heff an dem / Rade to Halb(i)r(stadt) vnd(e) an der stat ge meyne . Also dat he to der tyd do / vns(er) her(e) van Halb(i)r(stadt) . Orlogede myt dem hertogh(e)n van bru(n)sw(ik) vnd(e) / hervorden wolde . dar he to eschede . den Rad(e) vnd(e) stat ge meyne to / Halb(i)r(stadt) . vnd(e) se om myt wuller macht dar to volgh(e)n wolden vnd(e) de / vorbu(n)de rat sant(e) dar to twene vt dem Rade, de de va(n) des rades vnd(e) / der stat ge meyne dar by wesen scholde(n) . also dat se scholde(n) schicke(n) vnd(e) / hete(n) wat dat wolk don scholde . dar do de vorb(e)n(ome)de alsle(ue) syne(n) eygh(e)n / wagh(e)n hadde vnd(e) syne eygene(n) ba(m)men vp ruͤchte vnd(e) ok synen / eyghene(n) schrey dar vor luden leyt dar he den edir de . myt houͤde de / va(n) des rad(es) vnd(e) der stat ge meyne dar to schickt we(re)n . dat doch dem / Rade vnd(e) der stat ge swore(n) an ore eyde vnd(e) an ore ere gink . vnd(e) / ok lichte mochte van dem eygene vreuele vns(es) h(ere)n va(n) Halb(i)r(stadt) vnd(e) / dem gantze(n) lande grot vnnerwintelk schade van kome(n) sin . hir v(m)me / wille(n) on desse vorb(e)n(ome)de Rad mester(e) vnd(e) burmester(e) in der vest(e) be hal=/de(n) vnd(e) on dar nicht vt late(n) dat en sy alle der wille de hir beschreue(n) / sin . desge lik schulle(n) de ok don de na desser tyd mer thu anrechte kome(n) / se sin rad mest(er)e edir buͤrmest(er)e vnd(e) schulle(n) ² alse dat se schulle(n) sweren / dat se wille(n) al desse vorschr(euene) stucke halde(n) also me des eyn ghe worde(n) / is an allerleye argelist