Wie Ratmanne Inny(n)gismeste(re) vnde Buͤrmeste(re) der Stad to Halbi(r)stad Bekenne(n) in dissem opene(n) breue vnde don / witlik alle den de dissen bref seen horen edir lesen , dat we redeliken vnde rechtliken hebb(e)n vorkoft eẏne / lodighe m(a)rk Ingheldes jarliker guͦlde halb(i)r(stedescher) weringhe vor teyn lodige m(a)rk der selue(n) weringhe de vns fuͦl / vnde al wol betalet sint vnde we in vnsir stad nvt vnde vrome(n) gekart hebb(i)n Dem vromen manne / Hinrike von halle vnde ẏlsen siner eliken husfrouwen to orir beider lẏue . de benante(n) m(a)rk tinses schulle / we vnde willen one alle jarlikes reiken vnde gheue(n) von vns(e)me Rathuse vppe sente Nicolaus dag(e) de / wile dat se beide leue(n) wan ok orir eyn afegheit von dodes weghen so schulle we vnde willen deme / ande(re)n de denne noch leue(n)dich blift de benante(n) m(a)rk tinses volgen laten ok sine leuedage auer / nach orir beider dode so valt de benante(n) gulde vnsir stad weddir leddich vnde los ane weddirsprake / eyns jowelken Dat dit von vns vnde vnsen nakomelinghen stede ghantz vnde vnuorbroken gehalden / werde Des to eẏne(r) orkunde vnde bekantnisse so hebbe we one dissen bref dar vp gheue(n) besegilt / mit vns(i)me openbaren Ingesegele angehengit Nach goddisbort veirteẏnhundirt Jar dar na / in dem ande(re)n jare des midwekens an sente lucien dage der heiligen Ju(n)cvrouwen .