Ek Johan van Swichelde kemerer vnde Domhere to Halberstad bekenne openbar in dussem breue dat ek eẏne breẏde / ackers de geleghen is vppe der holtemp(er)ne bouen der mortmolen bẏ halberstad mit aller nutte tegherfrẏe hebbe / ge leghen vnde lyge mit crafft dusses breues dem bescheẏden knechte hintzen herszleuen borgher to halberstad / Ilsebeen siner husfrowen vnd(e) oren . eruen . So dat se mek edder we ey(n) Camer(er) is to dem dome to Halb(e)r(stad) alle Jar / likes geuen schullen Ses schillinge halb(e)r(stedescher) pennighe to Eruem tinsze vpp sunte Mertens dach vnd(e) wil der gna(n)ten / brede ore rechte were sin vor alszweme wur vnd(e) wa(n)ne on des noͤt is vnde se dat van mek eschen Des to Orkunde / vnde bekantnisse hebbe ek min Ingeseg(el) witliken laten henghen an dussen breff Dege geuen is Na (cristi) vns(ere)s / he(re)n gebort veerteẏnhundert Jar in dem drevndeuertigesten Jare des mandages na der d(o)m(ini)ken ? wan me in der hilgen / kerken singhet Judica me duc(em) i(t)c