WE Borghermester(e) Radmann(e) Inni(n)ghesmester(e) vnde Burmester(e) . der Stad tho Halberstad . Be=/kennen openbar In dussem(e) breue , vor alswem(e) , dat we van der gnan(ten) vns(i)r stad wegen Redelken vnde recht=/liken vor kofft hebben . vnde vorkoͤpen in vnde mit Macht dusses breues , Eẏnehalue lodighe m(a)rk geͤldes / jarliker gulde halb(e)r(stedescher) weringhe up eyne(n) wedderkoͤp , den Jnni(n)ghen heren dem(e) prior vnde der gantzen sa(m)p=/ny(n)ghe des closters tho den pewele(re)n bi(n)nen vnser gnan(ten) stad Sunte domi(ni)c(us) orden , one de alle jarlikes / van vnsem(e) radhuse tho gheuend(e) vnde gantliken tho betalende vnghehindert up sunte Margareten / dagh der hilgen Juncvrowen den tins der p(ri)or alle jar up sodann(e) benanten tijd ¹ In neme(n) schal vnde d[...] / midde kopen oblaten vnde win , dat me hebben schal , dat jar ou(er) tho dem(e) denste des almechtigen goddes / dar vns de gnan(ten) heren vor entrichtet vnde ghegeue(n) hebben they(n) m(a)rk ergn(an)t(e halb(e)r(stedesche) were vnde we / van on(e) uol to ghenoige Inghenamen hebben vnde vort ghekart in vns(i)r gnan(ten) stad ghemeÿnen / nüd vnde vrome(n) , wur des noͮd was vnde behoiff , dusse haluen m(a)rk tins moghe we eder vnse Na=/komen wedder aff koͤpen mit they(n) m(a)rken ergn(an)t(e) were , wen we wullen , doch schulle we dar dem(e) p(ri)or / des gnan(ten) closters , eder den brode(re)n dar en verndel Jar tho vor(e)n vorkundighen vnde welich don vnd(e) / denn(e) Na vorlopinghe des verndel Jar(es) dem(e) p(ri)or oder den broͤyde(re)n de they(n) m(a)rk vnghehindert bi(n)nen / vnser stad weddergheue(n) , mit dem(e) bedagheden tinse , oder efft des wat wore vorseten , de they(n) m(a)rk se / denn(e) van stund wedder anleggen schullen uppe Jarliken tins , dar se win vnde oblaten midde moghen ko=/pen tho hebbend(e) to dem(e) dinste godd(es) , dit loue we on(e) vor vns vnd(e) vns(ir) Nakome(n) wol tho holdenn jn de(n) / truwen an(e) gheuehrede , To merem(e) orku(n)de vorsegheld mit vns(i)r stad grote(n) anghehange(n)d(en) jngesegele / Nach (cristi) gebord veẏrthey(n)hu(n)dert jar dar na In de(m) viffvndevertighesten Jare am(e) aue(n)de sunte Mar=/ga(r)eten der hilgen ju(n)cfrawen