WE Borghermester(e) Radmann(e) Inni(n)ghe(me)ster(e) vnde Burmester(e) der Stad / Halberstad Bekennen vnde betugen openbar jndussem(e) breue ¹ vor allen de on(e) seh(e)n / horen oder lesen , dat we eyndrechtliken wolberadens van der gna(nte)n vnser / stad wegen , redelken vnde rechtliken vorkofft hebb(e)n , vnde vorkopen in macht / dusses breues dem(e) Bescheden(e)n Manne Syuerde van dedeleue itzund(e) vnsem(e) / medeborgher(e) vnde m(a)rga(r)eten siner eliken gheuen(e)n husvrawen anderhalue / lodighe m(a)rk jngheldes Jarliker gulde halberstedisscher weringe one de alle / iar wol to ghenoige , vnde to dancke , van vnsem(e) radhuse to betalende vnghe=/hindert , vnde an(e) uptogh up Sunte gallen dagh alle de wile se beyde oder , / orer ey(n) besunderen leuet , dar se vns vorgegeuen hebben veffthey(n) lodighe m(a)rk / ergnan(n)ter halberstedisscher weringe , de we van on(en) wol to ghenoige in eẏner / Su(m)men wulbestendich jnghenomen hebben vnde entphangen vnde vort ghe/kart in unser gnan(ten) stad ghemeẏne(n) nuͮd vnde vromen wur des nod was / vnde behoiff Sunder wen dusse vorbenomeden tweẏ alse Syuerd vnde m(a)rga(r)e=/te sin elike vrawe(n) van dusser werlde van dodes weghen vor vallen sin , des / god doch lange nicht e(n)ne wille So is dusse jarlike tinsz anderhalue mark / vnser gna(n)nten Stad gensliken vorleddighet vnde losz gheworden , dit loue / we Siuerde ergn(an)t vnde siner geuen(e)n husvrawe(n) , vor vns vnde vns(e) Nakome=/linge stede vast vnde vnuorbroken wol to holden(e)n in guden truwen an(e) Jen(n)i=/gherleye behelpunge indracht list oder gheuehrde dusses to orkunde vnde / mehr wissenheit gheue we on(e) dussen breiff mit vnser gnan(ter) stad groten An=/gehangeden Jngesegele besagheld Na (cristi) ghebord vnses leue(n) he(re)n veẏrthey(n)=/hundert iar dar na jndem(e) viffvndevertighesten Jare andem(e) mitwekenn(e) / vor Sunte dȳonisius daghe des hilghen mertelers etc.