WE Borgemester vnde Ratma(nne) Jnnyengesmeister vnde Bürmeister der Stat Halberstat Beke(n)ne(n) / vnde betügen openbar(e) In düssem breüe vor vns vnse nakomelinge vnde vor alszweme Joe alse deme Ersame(n) / Hanns Heyer vnsem mydeborger hündert Rynsche gülden hoüet sümme(n) vppe viff gulden tynses by vns / üppe eyne(n) wedderkopp belacht van Ursülen Paüwel hessen zeliger docht(ere) Erfflyken sampt(e) syner eelyken süster(e) / Tylen Ellerlinges hüsfrowen angesellet weren vnde na dode gnant(es) Tilen Ellerlinges vnde syner hüsfruwen / Hans Heigers zeliger süst(ere) allene upp Hans Heiger geerüet vnde vorstorüe(n) were(n) So dan(n)e breff upp de hü(n)dert / gulden hoüetsümme(n) van vns vorsegelt Deme Ersame(n) Herma(ne) Sanctem vnsem mydeborger Recht vnde re=/delykes kopes weder üp vorbenomde vyff gulden tinses vorkofft hefft De vns den ledegantz vnüorzeriget ento/get vnde oüer Antwür hefft ome den nach synen eüenkome(n) vnde syner seilen salicheit gebeden toüorandere(n)de / Hebben we syne flytig(e) bede angeseyn oeck godes denst dar van mochte vormeret v(er)den ome dar Jnne gefulbürt / sodan(n)e breeff van ohme to vns genome(n) den dorsteken vnde dat Jngesegell to broken Vnde we Borgameister(e) / Raetma(n)ne Jnnygesmeist(ere) vnde Bürmester der staet Halberstat hebben deme gnant(en) Herma(n) Sancte(n) de tijt / synes leüedes vor(e) sodane hundert gülden vyff Rynsche gulden ader soe velle mü(n)te vor eyne(n) yslyken guld(en) / alse yn vnser Stat genge vnde geüe ist adder syn wert vnde nae syne(me) dode den twen Comnyssarien / to deme Altare sancti Johannis im ¹ der Parkerken sancti Martini to Halberstat vnde ore(n) Nakomelyngen(e) / veir gulden vor de vüre üp dat de koep deste krefftigher vnde Zur(e) Rechten bestendigest sy Eyne(n) ysliken twe / gulden vor Herma(n) Sancte(n) syner eldern husfrowe(n) kynder vn(de)vorstorüener fründe zelen Jn dem(e) An/vachte ² der hillig(en) mysse Jegen goet den here(n) to byddende Ohne de alle Jarlykes üpp Sünte Gallen / dach uth vnsem Schote Renthen vnde tynsen So we van gnant vnser stat weig(en) Jarlykes hebben / Jn toneme(n)de touornoigende upp Süncte Gallen dach³ up eyne(n) wederkopp vorkofft hebbe(n) vnde Jegenüor=/dyghe(n) In crafft dusses breües vorkoepe(n) one de alle jarlykes na vorbererder wyse vp upp Sünte Galle(n) / dach de wyle dusse koep steit ane Jenigerleye argelist Jnsage adder gheüerde tho betalende Doch soe / hebbe(n) we Borgemeist(ere) Raetma(nne) Jnnyngeszmeist(ere) vnde Bürmeẏst(ere) vns vnde vnsen naekomely(n)gen(e) / de macht beholden dat we sodan(n)e Jarlyke tynse mog(en) weder affkopen myt hundert Rynschen gulden / welkes Jars we vyllen Sündere(n) wan we des beraden würden dat don volden dat schold(en) vnde volden we / Herma(n) Sancte(n) soe he nach ym leüende were edder nae syne(me) dode den Alderluden gna(n)nt(en) Sancti / martini kerken sampt(en) den Comnyssarie(n) to dem Altare Sancti Jo(hann)is dar sulüest ey(n) ferndel Jars / vor de tynse tijt wytlick don vn(de) vorkündyg(en) vnde denne nae vorlopinge des fferndel Jars upp Sü(n)/te Gallendach den gnant(en) Alderlud(en) sancti martini sodane hundert guld(en) myt den bedageden / tynsen vnde offt der velke vorsete(n) were(n) gotlyken ouertrichten(en) wedergeue(n) vnde betale(n) De sodane / hundert gülden denne ane süment myt vnsem wette(n) wyllen vn(de) fulborde weder üp ghelyke ty(n)se / tho behoeff der twyer Comnissarie(n) Sancti Jo(hann)is Altars vnde ore(n) Nakommely(n)g(en) beleggen schülle(n) / godes denst eyne(n) vorganck gewyne(n) vnde dorch entholdy(n)ge der ty(n)ze nycht gheisweket werde Des / to bekenthenysse vn(de) starkere(n) gheloue(n) aller v(n)gescreüe(nen) ⁴ stuckke(n) puncte vnde Artikel stede vast / vnde vnuorbroken va(n) vns vn(de) vnsen nakomly(n)g(en) wol schullen gheholden verd(en) Hebben vy düs/sen breff myt vnser Stat grote(n) angehenged(en) Jngesegel wytlyke(n) vorsegelt Gegeüe(n) na Christi / vnses here(n) gebürt dusent veyrhundert dar na Jm(e) Sesz vndeNeige(n)tigeste(n) Jare am aüende / Sanctorinij Philippi et Jacobi Apostülorüm(e)n