WE Borghermeister(e) Radmann(e) Jnni(n)ghesmeistere vnde Burmester(e) der Stad halberstad Bekennen vnde betughen openbar Jndusseme breue / vnde don kunt allen de on(e) seh(e)n horen eder lesen , dat we ey(n)drechtliken vnde wolberadens moydes van der gnan(n)ten vnser Stad weghen Redelken vnde / Rechtliken verkofft hebben vnde vorkopen in macht dusses dusses vnses breues , den Jnni(n)gen Jun(n)cvrawen , des Closters tho Sunte Jacobe vor vnser gna(n)n(ten) / stad belegen Sunte Benedict(us) orden , dreÿ ferdinghe halberstedisscher weringe , dar se vns vorghegheuen hebben veffthey(n) lodighe m(a)rk ergn(an)ter halberste=/disscher weringhe , de we van one wol to wol tho ghenoige in eẏner Su(m)men wulbestendich Jnghenomen hebben vnde Entphanghen vnde vort ghe=/kart vnde ghewant an vns(e)r gnan(ten) stad ghemeẏnen nüd vnde vromen wur des nod was vnde behoiff dusse dreẏ ferdinghe Jarlikes tinses Schulle we / vnde vnse Nakomelinge vnde willen alle Jarlikes , wol tho ghenoighe der pryorẏnnen des gnan(ten) Closters tho Sunte Jacobe van vnsem(e) Radhuse reken / vnde gheuen vnüortoghert up vnser leuen vrawen dagh hohtmissen Alle de wile we oder vnse Nakomelinge vnder vns hebben dusse vorbeno/meden Su(m)men veffthen(e) m(a)rk van den suluen dren ferdinghen Jarlikes tinses , de priori(n)ne des gnan(ten) Closters . denn(en) alle Jarlikes nemen schal eẏne / halue m(a)rk vor wasz tho dem(e) lechte vnser leuen vrawen , dar me des Sun(n)auedes plecht tho bern(n)ede vnde den ander(e)n ferdingh schal men deylen vnder / de Jun(n)cvrawen tho der dechtnisse vnde memorien hans loüden vnde den sinen , de van henne ghescheyden sint , de se alle iar dar vor began schullen / vnde willen , mit vigilien vnde mit selemisse(n) Nach ores closters woẏnheit vnde vnse , Ok so hebbe we vns de macht beholden dar we dussen / Jarliken tinsz drey ferdinghe wedder moghen affkoͤpen mit veffthey(n) m(a)rken welkes iares we willen vnde vns oder vnsen Nakomelingen dat duncket / boquem(e) sin alse dach bescheyden wen we , oder vns(ere) Nakomelinge dat don wolden , dat scholden vnde wolden we dussen vorbenomenden closter Jun(n)cvrawe(n) / Eyn verndel jar(es) to vor(e)n vorkundighen vnde witlich don vnde one denn(e) Na verlopinge des verndel iares , de houedsu(m)men veffthey(n) m(a)rk gentli=/liken ¹ vnde vnghehindert bi(n)nen vnser stad weddergheuen . vnde dar to de bedagheden tinse rechtich maken vnde offt der welke weren vorseten . de / se denn(e) mit vnsem(e) Rade vnde hulpe van stünd wedder an leggen schullen Se dat also dann(e) [loese] vnser leuen vrawen vnde de memorie Ewig(e)liken / bliuen dit loue we on(en) vor vns vnde vnse nakomelinge stede vast vnde vnuͮorbroken wol to holdenn(e) in guden truwen ane Jen(n)igherley behelpinge / Jndrachtlist eder gheuehrde Tho merer(e)m orkunde vorsegheld mit vns(e)r gnan(ten) Stad anghehangheden Jngeseghele Na (Christi) ghebord vnsers / leuen heren veẏrtheẏnhundert iar , dar Na Jndem(e) achtevndeveẏrtighesten Jare am(e) auende vns(e)r leuen vrawen lichtmissen eder pu(r)ificat(i)on