We Borghermeister(e) Radmann(e) Jnnu(n)ghesmeister(e) vnde Burmeister(e) der Stad tho Halberstad Bekennen vnde betughen openbar / Jn dussem(e) breue vnde don kunt allen de on(e) seh(e)n horen oder lesen , dat we van der gnan(ten) vnser stad weghen Redelken vnde rechtliken vor=/kofft hebb(e)n , vnde vorkopen in macht dusses breues dem(e) Jnni(n)gen heren Broder pawele van wesselar lesemester itzundt des predighers / orden Seüen ferdinghe halb(e)r(stedischer) weringe Jarliker gulde om(e) de alle Jarlikes van vnsem(e) Radhuse , vulto ghenoige vnde to dancke tho be=/talende , up Sunte Mathias dagh ¹ des hilgen apostels vnghehindert van vnsen redesten tinsen wen he vns dar v(m)me manet , oder manen / let vor middelst siner [quita(n)cien]² , alle de wile he leuet , dar he vns vorghegheue(n) hefft viffvndedrittch lodighe m(a)rk er(e)gnan(ter) were / de we van om(e) wol to ghenoige in eyner Su(m)men wulbestendich Jnghenome(n) hebb(e)n vnde entphangen vnde vort ghekart vnde / ghewant an vnser gnan(ter) stad ghemeyne(n) nüd vromen wür des noͤd was vnde behoiff wan(e) aüer dusse vorbenomede broder pawel van dod(es) / weghen vor vallen were des god doch lange nicht ene(n) vulle vnde we denn(e) nach vnder vns hedden dusse vorgnan(te) Su(m)men viffvndedrittich / m(a)rk So scholden vnde wolden we , oder vns(ere) nakomelinge dusse vorgnan(ten) Jarliken tinse Seuen ferdinge alle iar up sodan(e)n vorbenomede / tyd Sünte Mathias dagh goitliken vnde wol to dancke van vnsem(e) Radhuse reken vnde gheuen dem(e) Closter(e) vnde Co(n)ue(n)te der p(re)digher orden bin(n)en / vns(e)r Stad belegen , de sulue(n) seuͮenferdinge denn(e) komen schullen tho eẏner thu(n)nen haringhes vnde anders nergen tho , den haringh men denn(e) / keren vnde wenden schal Jnder broder(en) des sulue(n) co(n)ue(n)tij ghemeÿnen nüd vnde vromen dar dis noͮdwerde sin vnde behoiff vnde we vorgnan(te) / Borg(er)mester(e) vnde Radmann(e) wullen hir medde vorwesen So we truwelikest ku(n)nen vnde moghen dat et also mit der thu(n)nen haringes to gan / schal na broder pawels dode , in vorberorder wise , Ok ene(n) schullen dusse vorgnan(ten) broder(e) dusse houedsu(m)men viffvndedrittich m(a)rk oder de seuen / ferdinge Jarlikes tinses Nema(n)de vorsetten vorpenden oder vorkoͤpen Sunder de ie keren vnde wenden de seue(n) / ferdinge tho eẏner thu(n)nen har/ringes den gnan(ten) brode(re)n to nüd vnde to vromen Wer(et) ok dat sek de broder(e) der houedsu(m)men oder der tinse anders wur to brukeden wen vor=/berort is , vnde we dat vorhafftichliken vor nemen So scholden de broder(e) der seue(n)ferdinghe Jarlike tinses vorvallen sin So valen der ghescheghe / Ok so hebbe we vns de macht beholden , dat we , oder vns(ere) Nakomelinge dussen Jarliken tinsz Seuenferdinge wedder aff kopen mogen mit viffvnde=/drittich m(a)rken welkes iar we willen , vnde vns dat duncket bequem(e) sin So doch bescheͮden wen we oder vnse nakomelinge dat don wolden dat / Scholden vnde wolden we Broder(e) pawele ergn(an)t oder efft he in dem(e) leue(n)de nicht en(e) were dem(e) prior(e) vnde den brode(re)n des gn(anten) closters der p(re)digher / orden bin(n)en vns(e)r stad belegen Eẏn verndel Jaris tho vor(e)n vorku(n)digen vnde witlich don vnde dem(e) Na vorlopinge des verndel Jares mit der su(m)me(n) / viffvndedrittich m(a)rk reẏde holden vnde mit dem(e) bedagheden tinse , oder efft des wat were vorseten vnde der houedsu(m)men en schulle we noch / En willen , dem(e) vorgheschr(euenen) closter(e) oder brode(re)n nicht inantworden noch ouergheuen Et en(n)e sy denn(e) dat de p(ri)or vnde de and(ere)n brodere ghemey(n)liken des / vorgheschre(uenen) closters de viffvndedrittich m(a)rk ergn(an)ter were van stunt wedder anleggen vnde keren vp alsodann(e) Jarlike tinse , de ok denn(e) kome(n) schulle(n) / in vorberorder wise alle Jar vor ene thu(n)nen haringes , Ok alle de wile de p(ri)or vnde broder(e) des vorgn(an)ten closters de houedsu(m)men xxxv m(a)rk / nicht wedder an en leyden up sodann(e) Jarlike renthe So scholden we de houedsu(m)men viffvndedrittich m(a)rk by vns an tinse beholden So lange dat de / p(ri)or vnde de broder(e) de Su(m)men Redelken mogen anleggen , dat we wetten dat se an dem(e) tinse alle Jar vor de thu(n)nen haringhes mogen sin vorwant / vnde besorghet , Ok beke(n)nne we vorgn(an)ten vor vns vnde vns(e) nakomelinge Jndussem(e) sulue(n) breue , dat we vorkefft hebben eyne(n) ferdigh Jarliker / gulde den vorgheschr(euenen) brode(re)n vnde co(n)ue(n)te one ok alle iar to gheue(n)de up sodann(e) vorgheschr(euene) tyd sunte Mathias daghe , vor viff m(a)rk halb(e)r(stedischer) were / de ok in vnser stad nüd ghekart sin , den ferdingh de p(ri)or alle jar Jnnemen schal vnde keren in des gn(anten) closters nüd vnde vromen alle de wile her(e)n / pawel leuet vnde we vnder vns hebben de viff m(a)rk Su(n)der na broder pawels dode So schal dusse ferdi(n)gh ok kome(n) tho hulpe der thu(n)nen haringhes / den men denn(e) geue(n) schal den brode(re)n in vorberorder wise Ok moge we dusse verdi(n)gh wedder affkopen wen we willen In vorberorder wise ok / en schal de p(ri)or oder de broder(e) den ferdi(n)gh nicht vorsaten oder vorpende(n) Sunder na broder pawels dode schal dusse su(m)me gansz werde(n) vnd(e) ey(n) / vnde de tinsz de dar van kome(n) schullen denen to der thu(n)nen haringhes , den brod(ere)n de alle Jar to geue(n)de in vorberorder wise , alle dusse vorgheschr(euenen) / stucke vnde ey(n) islich besund(ere)n , louen vnde reden we vorgn(an)ten vor vns vnde vnse nakomelinge , dussen vorbenomeden stede vast vnde vnuor/broken wol to holdenn(e) Jnguden truwe(n) an(e) je(n)nigherley Jndraht behelpinge list oder gheuerd(e) Tho merem(e) orkunde vorsegheld mit vns(e)r gnan(ten) / stad groten anghehangeden Jnghesegele Na (cristi) ghebord vns(es) heren dusent veẏrhu(n)dert , dar Na Jndem(e) achteundeveyrtighisten Jare am(e) / [...]