WE Borghermeister(e) Radmann(e) Jnni(n)ghesmeister(e) vnde Burmeistere , der Stad tho halberstad Bekennen vnde betughen openbar Jn dusseme / breue , vnde don kunt allen den ene sehn horen oder lesen dat we mit wolbedachteme moẏde van der gnan(nten) vnser Stad weghen , dem(e) vorsichtigen / Manne Tilen truteboylen itzund borgher(e) tho disschersleue vnde sinen Eruen , oder deme de dussen breiff mit sinem(e) guden willen Jnne hedde viff / gude wulwichtighe Rinsche guldenn(e) Jarliker Renthe , ome oder den middebenomeden alle iar up Sunte Michahelis dagh , des hilgen Erczen=/ghels tho betalende van vnsem(e) Radhuse vnghehindert vnde an(e) uptogh(e) vp eẏnen wedderkoep vor hündert gude wulwichtighe rinsche gul=/denn(e) , der we van om(e) wol tho ghenoige betald vnde vorder in vnser gnan(n)ten stad ghemeẏnen nuͮd vnde vromen wur des nod vnde behoiff / was ghekart sin , vorkofft hebben , doch hebbe we vns de Macht beholden , dat we dussen Jarliken tinsz viff guldenn(e) moghen wedder aff koepen / ok so mach tile oder sine Eruen , oder de hebbere dusses breues mit sinem(en) guden willen , or gheld alse hündert Rinsche guldenn(e) wedder Esschen / welken vns/e)m des ghelustet welkes iares we , ode(r) he oder de middebenomd(e)n [ghelustet] Also doch bescheyden , dat vns(e)n ey(n) , dem(e) anderen dat / ey(n) verndel Jares thovor(e)n vorkundeghe vnde witlich do vnde denn na vorlopinge des vern(n)del Jares Tilen truteboilen vorgnand , oder dem(e) Jenne(n) / de dat gheld van des wedderkopes moghen hebben schal , willen we de hundert guldenn(e) in eẏner Sumen wulbestendich bi(n)nen vnser gnan(n)ten Stad / betalen vnde weddergheuen vnde ok de vorsetenn(e) tẏnse , efft dar welke weren Richtich maken an(e) alle gheuehrde vnde ane vorbedinghe ghist=/likes offte wertlikes gherichtes , alle dusse vorgheschreuenn(e) stucke , vnde eẏn iowelk besunderen , louen we vorgnan(n)te Borghermeister(e) Rad=/mann(e) Jnin(n)ghesmeistere(n) vnde Burmeister(en) Tilen trutheboylen odder sinen medebenomeden Stede vast vnde wol tho holdenn(e) Jn guden truwe(n) / ane Jeni(n)gherley Jndracht behelpinge list oder gheuehrde dusses tho orkunde vnde mehr wissenheit gheue we om(e) vnde sinen medebeno=/meden dussen breiff mit vnser gnan(n)ten Stad groten anghehangheden Jngheseghele besegheld Nach c(risti) ghebord vnses leuen heren veẏrthey(n) / hündert iar , dar na Jndeme vefftighesten iare , an deme frydaghe na Sunte Michahelis daghe , des hilghen Erczenghels et(cetera)