WE Borghermester(e) vnde Radmann(e) der stad tho halb(e)r(stad) Bekennen openbar Jn dussem(e) / breue vor alswem(e) . dat we vns mit den ghestrengen Bochtmann(e) Rolene . Hinreke / vnde H(er)mann(e) ghebrode(re)n alle gnan(n)t van dorstad vorwordet vnde vordraghen / hebben v(m)me sodann(e) husz vnde woyni(n)ge dar Cord zarxstedde itzundt Jnne woynd / beleghen tighen dem(e) closte(re) tho Sünte Nicolawese , dat se holden vnde sek tho segghen / vor ore frye gud , dat we dem(e) , oder den(e) de dar nuͮ vnde inthokemende tyden uppe / woynen vortmer neẏne anfordinge ny dem(e) vorbenomeden gude don schullen / noch willen an(e) gheuehrde we(re)t ok dat ey(n) vnser borgher up dem(e) gude woẏnde / de scholde sek holden alse bilk were ghelich eynem(e) ande(re)n vnser borgher(e) , bor=/gher recht dar von tho donde , Ok so schal dusse breff vnschedelich sin anderen / oren fryen goyde(re)n , de se bi(n)nen der stad halb(e)r(stad) hebben , vnde neynen hinder der / an(e) don , vnde ed dar midde holden alse dat van olden is gheholden , dusses tho / orkunde hebbe we vnser stad Secr(etum) witliken ghedrucket lathen Jnne(n)wendich / benedden an dussen breiff Nach (cristi) ghebord vnses leuen heren veyrthey(n)hundert / iar dar Na Jndem(e) Eynvndevefftighesten Jare an dem(e) daghe Sunte appollonien / der hilghen Ju(n)ncfrawen /