WE Borghermeister(e) vnde Radmann(e) , der Stad tho Halberstad . Bekennen vnde Betughen / openbar jn dusseme br(eue) ¹ vnde don kunt allen , de one seh(e)n horen oder lesen , dat der Bescheẏdenn(e) / peter bendeler itzund vnse medeborgher(e) . woͥynhafftich in der Nyen stād . mit vnsem(e) wet=/ten willen vnde wulborde sin hus vnde hoiff fart he itzund jnne woẏnd beleghen in der / nẏenstad jeghen dem(e) hackehrouen twisschen vnde hermen² brawan vnde hinr(ik) arendes vor / sat vnde vorpendet hefft . vor viff lodighe m(a)rk halb(e)r(stedescher) weringe , den arm(en) luden up / dem(e) zeckhoue . vor vns(e)r stad beleghen , der viff m(a)rk peter vorgn(an)t gensliken van den / arm(en) luden vornoighet is Se we des van peter ergn(an)t sint vnderwist dusse viff m(a)rk / ergn(an)ter were Schal vnde wil peter bendeler oder sine Erue(n) , den armen luden up / dem(e) zeckhoue alle Jarlikes gheuen tho tinsze Eynehalue m(a)rk ergn(an)ter were ane / uptogh vnde vmbeku(m)mert uppe de winachten , neghest dem(e) tinsze des rades den de / Rad alle iarlikes dar an(e) hefft . Ok se schal vnde wel Rem(er)³ peter bendeler ergn(an)t eder / sine Eruen dusse houedsu(m)men viff m(a)rk halberstedisscher were , wedder affgheuen den / armen luden up dem(e) zeckhoue . vnde also sin Erue losen bi(n)nen dussen neghest volghende / viff jaren van ghifft dusses breues , vnde hefft vns dat also uch tho holdenn(e) gheredet / vnde ghelouet in guden truwen ane alle gheuehrde dusses tho orkunde mede mehr / wissenheit hebbe we vns(e)r stad Secr(etum) witliken ghedrucket hethen Jnne(n)wendich benedd(e)n / an dussen breiff Nach (cristi) ghebord vnses leue(n) heren veyrthey(n)hundert iar dar na Jndem(e) / veyrvndevefftighesten jare an deme Mandaghe Na Sunte anthonij daghe des Ersten / heremithen