WE Borghermeistere(n) Radmann(e) Inni(n)ghesmeistere(n) vnde Burmeistere(n) , der Stad tho Halberstad / Bekennen vnde betughen openbar in dussem(e) breue vor alsweme , dat we mit wolbedachtem(e) moẏde / van der gnan(ten) vnser stad weghen , Recht vnde Redelken vorkofft hebb(e)n vnde vorkopen in macht dusses / breffes dem(e) Bescheydenn(e) wilken olint¹ oldebure itzund vnseme medeborgher(en) vnde Ilsen olint¹ siner Eleken / gheuenn(en) husvrawen dreẏ lodighe m(a)rk Ingheldes Jarliker gulde halbi(r)stedisscher weringhe one / de alle Jarlikes van vnsem(e) Radhuse wol tho genoighe vnde tho dancke tho gheue(n)de vppe de mit=/fasten alse Nemliken up den Sondagh leta(r)e iherusalem alle de wile se beyde , oder orer ey(n) besund(er)n / leuet , dar vns de gnan(ten) wilken vorghegheuen hefft drẏttich lodighe m(a)rk Ergn(an)ter were de we / van om(e) in eẏner Su(m)men wulbestendich Inghenomen hebbe(n) vnde entphanghen , vnde vort ghe=/kart vnde ghewant in vns(i)r gna(nten) stad ghemeẏnen nüd vnde vrome(n) wur des nod was vnde be=/hoiff Sunder wen dusse vorgnan(ten) beyde alse wilken vnde Ilse sin Eleke husvrawen van dodes / weghen auegan sin des god doch langhe nicht e(n)ne wille So sint vns(i)r gnan(ten) stad duss(es) tins(es) os / dryddehalue m(a)rk vorleddighet vnde losz ghewurden vnde de ande(re)n . haluen m(a)rk scholden / vnde wolden we denn(e) alle Jarlike(n) witliken ? vnde wol tho dancke reẏken vnde gheue(n) up sodann(e) / vorbenomede tyd tho mitfasten van vnsem(e) Radhuse , der demotighen vrawen Merten Hans / vorwerkes itzund vns(ere)s medeborghers eleken gheuenn(e) husvraven wu se denn(e) noch in dem(e) / leue(n)de si Na dussen vorgheschr(euenen) twyer dode , ok alle de wile se leuet , wann(e) se auer ok van / dusser werlde auegan is , so is dusse ctinsz ? vnser stad gensliken vorleddighet vnde losz ghe=/worden , dit loue we dussen vorgnan(ten) vor vns vnde vnse nakomelinghe stede vast vnde / vnuͮerbroken wol tho holdenn(e) inguden truwe(n) an(e) alle gheuehrde , disz(es) tho orkunde vor=/segheld mit vns(e)r gnan(ten) stad Grothen anghehangheden Jngeseghele Na (cristi) ghebord vns(es) / leue(n) he(re)n veẏrthey(n)hundert Jar dar Na In dem(e) Seszvndevefftighesten Jare am(e) frigdaghe vor / dem(e) Sondage Inuocauit etc.